Skógræktarfélag Íslands hefur um áratugaskeið staðið fyrir fræðsluferðum á erlenda grundu þar sem fléttað er saman fræðslu um skóga og skógrækt við almenna náttúru og menningu viðkomandi lands. Fyrirhugað er að fara Frakklands árið 2024, nánar til tekið til Normandí og Bretagneskagans. Ferðin verður farin dagana 28. september til 6. október. Flogið verður til og frá París og farið um á rútu. Að venju verður blandað saman fróðleik um og heimsóknum í skóga og almennum fróðleik um náttúru, sögu og menningu landsins. Meðal annars verður kíkt á bændamarkað í Paimpol, hugað að sjóræningum í Saint Malo, fræðst um eplarækt og síderframleiðslu, skoðaðir skógar og garðar og komið við í Versölum.
Uppselt er í ferðina.
