Símkerfið á skrifstofu félagsins liggur nú niðri og kemur til með að liggja niðri einhvern tíma. Ef þarf að ná í starfsfólk Skógræktarfélagsins sendið tölvupóst eða hafið samband í farsíma.
Brynjólfur: 820-2113, bj@skog.is
Einar: 891-8643, eg@skog.is
Hrefna: 899-6833, hrefna@skog.is
Jón Ásgeir: 865-3080, jon@skog.is
Ragnhildur: 897-1010, rf@skog.is
Skógræktarfélag Íslands óskar eftir verkstjóra/umsjónarmanni með sjálfboðaliðum 15. apríl til 10. október 2017.
Síðastliðin tvö ár hefur Skógræktarfélag Íslands leitt European Volunteering Service (EVS) verkefni í gegnum Erasmus+ samstarfið. Á vegum þess komu hingað til lands fimm manna hópar sjálfboðaliða er dvöldu á landinu frá byrjun maí fram til loka september. Unnu þau að hinu og þessu er tengist skógrækt og uppbyggingu útivistarskóga landsins, þar á meðal gróðursetningu, stígagerð og viðhaldi og mannvirkjagerð í skógi (bekkir, tröppur, brýr, girðingar). Með sjálfboðaliðunum var verkstjóri sem sá um utanumhald, vann með og leiðbeindi þeim. Næsta ár er ætlunin að fjölga sjálfboðaliðunum og fá tíu sjálfboðaliða, sem kallar á annan verkstjóra.
Auglýsum við því hér með eftir áhugasömum einstaklingi sem langar að takast á við afar fjölbreytta og lærdómsríka skógarvinnu.
Starfslýsing:
– Leiða hóp sjálfboðaliða í þeirra daglega starfi og sýna gott fordæmi í vinnunni sjálfri
– Vera sjálfboðaliðunum innan handar þegar þess er þörf
– Skipulagning á vinnu, í samstarfi við hinn verkstjórann
Helstu verkefni:
– Gróðursetning
– Stígagerð
– Stígaviðhald
– Létt grisjun
– Skógarmannvirkjagerð (bekkir, brýr, tröppur)
Starfsvettvangur:
– Hátt hlutfall vinnunnar er unnið á SV-horninu og því nauðsynlegt að verkstjóri sé staðsettur þar.
– Vinnuferðir, 1-2 vikur í senn, sem geta verið hvar sem er á landinu.
Starfstími:
Starfstími er 15. apríl til 10. október. Sjálfboðaliðarnir koma til landsins í byrjun maí og eru hér til loka september. Gert er ráð fyrir vinnu verkstjóra fyrir mætingu þeirra, til undirbúnings, og eftir brotthvarf, til frágangs. Miðað er við tímabilið 15. apríl til 10. október, en dagsetning getur verið umsemjanleg
Verkstjórinn þarf að hafa kunnáttu á eftirfarandi sviðum:
Skógrækt og skógfræði:
– Þekkja tegundir og þeirra kröfur
– Hvernig ber að standa að gróðursetningu
Verkleg vinna:
– Hafa lágmarks reynslu af notkun handverkfæra
– Reynsla af notkun keðjusagar mjög nytsamleg
– Geta keyrt bifreið, stundum í ögn krefjandi aðstæðum
Félagshæfni:
– Færni í mannlegum samskiptum
– Þolinmæði
– Skipulagshæfileikar
– Leiðtogahæfileikar
– Hafa gaman af samveru og samvinnu
– Fljót/ur að læra og tileinka sér nýjar aðferðir
Reynsla er verðmæt en mikilvægast er þó ríkur áhugi og vilji til þess að læra það sem þarf til að geta unnið verkin vel.
Nánari upplýsingar um verkefnið
Sjálfboðaliðarnir koma frá sendingarsamtökum frá fimm löndum: Austurríki, Póllandi, Ítalíu, Tékklandi og Spáni. Þau eru á aldursbilinu 20-30 ára, hafa gífurlegan áhuga á Íslandi og oft einhverja menntun sem tengist viðfangsefninu. Reynslan sýnir að þau eru lærdómsfús, skemmtileg og dugleg. Kynjahlutfallið verður jafnt í hópunum. Einstaklingar eru valdir gaumgæfilega svo hópurinn passi og vinni vel saman.
Umsókn
Umsóknum um starfið, með helstu upplýsingum um umsækjanda, skal skila til Skógræktarfélag Íslands, Þórunnartúni 6, 105 Reykjavík, netfang: skog@skog.is„>skog@skog.is, fyrir 30. janúar næst komandi.
Nánari upplýsingar eru veittar í síma 551-1850 eða á netfanginu skog@skog.is„>skog@skog.is. Hafið samband í síma 551-8150 eða gegnum tölvupóst skog@skog.is„>skog@skog.is.
Starfið er kjörið tækifæri til þess að tileinka sér verkstjórn (sem nýtist víðast hvar), kynnast landinu okkar og skógum sem þar vaxa, en ekki síst að kynnast skemmtilegu fólki frá öðrum löndum.
Skógræktarfélag Borgarfjarðar boðar til ljósagöngu um skógarstíga í Reykholti á laugardaginn 29. október kl. 18:00. Gangan hefst við Höskuldargerði. Þátttakendur mættu gjarnan hafa með sér luktir, kerti eða annað ljós til að glöggva sig á aðstæðum og lýsa upp forvitnilega grósku á leiðinni. Auk þess munu heimamenn, sr. Geir Waage og Óskar Guðmundsson í Véum, gera tilraun til að bregða birtu yfir óljós atriði í myrkviðum skógarins. Fyrir sumum mun þetta kannski verða eina ljósglætan þennan dag – kjördag 😉
Að lyktum verður kveiktur varðeldur og boðið upp á ljúffenga skógarsnúða og ketilkaffi. Miðað er við að fólk komist heim fyrir kosningavöku í sjónvarpinu.
Skógræktarfélag Borgarfjarðar
Krabbameinsfélag Hafnarfjarðar og Skógræktarfélag Hafnarfjarðar bjóða til skógargöngu þriðjudaginn 4. október kl. 19:30. Safnast verður saman við Gróðrarstöðina Þöll við Kaldársselsveg og þaðan verður gengið um skógarsvæði Skógræktarfélags Hafnarfjarðar.
Við upphaf göngunnar mun Anna Borg, formaður Krabbameinsfélags Hafnarfjarðar, flytja stutt ávarp og að því loknu mun Steinar Björgvinsson skógfræðingur vera með leiðsögn um skóginn.
Gert er ráð fyrir að skógargangan taki um eina klukkustund og að henni lokinni verður boðið upp á heitt súkkulaði og meðlæti í húsakynnum Þallar.
Krabbameinsfélag Hafnarfjarðar og Skógræktarfélag Hafnarfjarðar, hvetja sem flesta til að taka þátt í kvöldgöngu um skóginn. Göngufólk er beðið að taka með sér ljósfæri þar sem skuggsýnt er orðið.
Nánari upplýsingar gefur Magnús Gunnarsson í síma 665 8910.
Skógræktarfélag Reykjavíkur stendur fyrir námskeiði um söfnun, meðhöndlun og sáningu trjáfræs. Kennari á námskeiðinu er Aðalsteinn Sigurgeirsson.
Dagsetning: 1. október kl. 10:00-15:00 hjá Skógræktarfélagi Reykjavíkur á Elliðavatni.
Verð: kr. 5.000 – kaffi, bakkelsi og súpa er innifalið.
Dagskrá:
| Kl. 10:00 | Kynning |
| Kl. 10:15 | Frætínsla – aðferð, tegundir, meðhöndlun, geymsla og sáning (fræ og könglar). Erindi: Dr. Aðalsteinn Sigurgeirsson, Mógilsá |
| Kl. 11:30 | Kaffi og spjall. Frætínsla – farið út og tíndir könglar og fræ |
| Kl. 12:45 | Súpa dagsins |
| Kl. 13:00 | Hvað er gert með fræin? Farið verður yfir fræmeðhöndlun frá A til Ö |
| Kl. 14:30 | Umræður og lokaorð. |
Skráning fyrir 26. september. Upplýsingar og skráning: Else, else.akur@gmail.com eða Sævar saevar@heidmork.is
Skógræktarfélag Mosfellsbæjar stendur fyrir skógargöngu miðvikudaginn 22. júní. Mæting er við Hafravatnsrétt kl. 19:30. Gengið verður um Þormóðsdal og tekur gangan um eina og hálfa klukkustund.
Veitingar í boði félagsins.
Allir velkomnir!
Skógræktarfélag Akraness stendur fyrir gönguferð um slögu með Jón Guðmundssyni mánudaginn 20. júní kl. 20:00. Mæting er á bílastæðinu fyrir neðan Slögu í Akrafjalli.
Gengið verður með Jóni Guðmundssyni garðyrkjufræðingi um Slögu, aðstæður skoðaðar og fjallað um trjárækt og útivist á svæðinu. Hvaða plöntum má bæta inn í skógræktarsvæðin – berjarunnum, ávaxtatrjám og fleiri tegundum, auk þeirra sem eru þar núna?
Allir velkomnir!
Fuglaskoðunarferð Skógræktarfélags Hafnarfjarðar verður laugardaginn kemur 28. maí. Lagt verður af stað frá Þöll við Kaldárselsveg kl. 10.00. Gangan tekur um 2 klukkustundir. Leiðsögumenn verða Hannes Þór Hafsteinsson og Steinar Björgvinsson.
Allir velkomnir. Hafið með ykkur sjónauka!
Nánari upplýsingar í síma: 555-6455 eða 894-1268 (Steinar).
Skógræktarfélag Reykjavíkur og Fuglavernd standa fyrir fuglaskoðun í Heiðmörk mánudaginn 23. maí. Lagt verður af stað stundvíslega klukkan 17:30 frá Elliðavatnsbænum og genginn hringur í nágrenninu.
Skoða á ríkulegt fuglalíf við Elliðavatn og í skógarjaðrinum. Hallgrímur Gunnarsson mun leiða gönguna og mun hún taka um klukkutíma.
Allir eru velkomnir. Munið að taka sjónaukann og jafnvel fuglabókina með og vera vel klædd.
Aðalfundur Skógræktarfélagsins Markar verður haldinn á Icelandair Hótel Klaustur laugardaginn 30. apríl kl. 13:30.
Auk hefðbundinna aðalfundarstarfa mun Ragnhildur Freysteinsdóttir umhverfisfræðingur segja í máli og myndum frá skemmtilegri ferð til Póllands, sem farin var á vegum Skógræktarfélags Íslands síðast liðið haust.
Kaffiveitingar í boði félagsins.
Allir áhugasamir hjartanlega velkomnir.
Stjórnin.
Nýlegar athugasemdir