Fundir og ráðstefnur

Í tilefni 50 ára afmælis Landsvirkjunar mun Landsvirkjun standa fyrir röð opinna funda, um ýmis málefni sem tengjast starfsemi fyrirtækisins.

Þann 4. mars verður opinn fundur í Gamla Bíói kl. 14-17 um hvernig fyrirtæki geta unnið gegn losun gróðurshúsalofttegunda og gegn loftslagsbreytingum.

Allir velkomnir!

Dagskrá:
Hlutverk Landsvirkjunar í loftslagsmálum – Ragnheiður Ólafsdóttir, Landsvirkjun
Loftslagsbreytingar og áhrif þeirra, hvað er til ráða? – Bjarni Diðrik Sigurðsson, Landbúnaðarháskóla Íslands
Uppgræðsla lands – Jóhann Þórsson, Landgræðsla ríkisins
Breytum lofti í við – kolefnisbinding með skógrækt – Arnór Snorrason, Rannsóknarstöð skógræktar, Mógilsá
Landgræðsluskógar og skógrækt við Búrfell – Einar Gunnarsson, Skógræktarfélag Íslands
Skógrækt undir merkjum Kolviðar – Reynir Kristinsson framkvæmdastjóri
Mýrviður – loftslagsáhrif skógræktar á framræstu mýrlendi – Brynhildur Bjarnadóttir, Háskólanum á Akureyri, Bjarki Þór Kjartansson, Rannsóknarstöð skógræktar, Mógilsá
Endurheimt votlendis – Hlynur Óskarsson, Landbúnaðarháskóli Íslands

Umræður

Fundarstjóri er Ragna Sara Jónsdóttir, forstöðumaður samfélagsábyrgðar hjá Landsvirkjun.

Skráning á heimasíðu Landsvirkjunar – http://50ar.landsvirkjun.is/fundir/hver-er-abyrgd-fyrirtaekja-i-loftslagsmalum/

Garðyrkjufélag Íslands (GÍ) og Samtök garðyrkju- og umhverfisstjóra (SAMGUS) standa fyrir málþingi um trjágróður í þéttbýli föstudaginn 27. febrúar, kl. 10:00-15:00 og er það haldið í sal Garðyrkjufélags Íslands að Síðumúla 1 (gengið inn Ármúlamegin).

Fundarstjóri er Þuríður Backman, formaður Garðyrkjufélags Íslands.

Dagskrá – með fyrirvara um breytingar:

Bókakaffi
Að loknu málþingi geta þátttakendur fengið sér kaffi og kynnt sér mikið úrval bóka um trjágróður sem Garðyrkjufélagið er með í sölu, að ógleymdu bókasafni félagsins.

Skráning á málþingið er á netfanginu gardyrkjufelag@gardurinn.is . Verð kr. 8.000. Hádegisverður innifalinn. Verð fyrir námsmenn: kr. 6.000.
Fyrir þær stofnanir og fyrirtæki sem senda marga starfsmenn á málþingið er boðið upp á að fjórði hver þátttakandi sé ókeypis.

Fagráðstefna skógræktar 2015 verður haldin í Borgarnesi dagana 11.-12. mars. Fyrri dagur ráðstefnunnar verður þemadagur undir yfirskriftinni „Aukin framleiðni skóga á jaðarsvæðum með trjákynbótum“ og er dagurinn haldinn í samstarfi við Nordgen, sem er norræn stofnun um varðveislu og rannsóknir á erfðaauðlindum.

Seinni dag ráðstefnunnar verður boðið upp á erindi um skógrækt í sinni fjölbreyttustu mynd og auglýsir undirbúningsnefnd nú eftir erindum fyrir þennan hluta ráðstefnunnar. Miðað er við að erindi séu 15 mínútur og svo gefist 5 mínútur til fyrirspurna. Einnig er auglýst eftir veggspjöldum.

Áhugasamir fyrirlesara hafi samband við Sigríði Júlíu Brynleifsdóttur (sigga@vestskogar.is) eða Hraundísi Guðmundsdóttur (hraundis@vestskogar.is) hjá Vesturlandsskógum eða Aðalstein Sigurgeirsson (adalsteinn@skogur.is) á Mógilsá, fyrir 23. janúar.

Nánari upplýsingar um dagskrá ráðstefnunnar, gistingu og verð koma í lok janúar.

Aðalfundur Skógræktarfélags Kópavogs verður haldinn fimmtudaginn 23. október 2014 kl. 20:00 í Gullsmára 13, Kópavogi (Félagsheimili aldraðra).

Dagskrá aðalfundar skv. lögum félagsins:

1. Hefðbundin aðalfundarstörf

a. Skýrsla stjórnar um starfsemi félagsins á liðnu ári
b. Skýrslur nefnda. Fossárnefnd
c. Lagðir fram reikningar félagsins til samþykktar
d. Tillaga að félagsgjaldi
e. Lagabreytingar. Fyrir liggur tillaga frá Sigríði Elefsen um lagabreytingar
f. Kosningar samkvæmt félagslögum
g. Tillögur um framtíðarverkefni félagsins og stefnumótun
h. Önnur mál

2. Tillaga stjórnar um að selja Kópavogsbæ 55 % eignarhluta í Leiðarenda 3, frístunda –og
þjónustuhúsi í Guðmundarlundi.

Veitingar í boði félagsins – mætum öll.

Stjórn Skógræktarfélags Kópavogs.

Aðalfundur Skógræktarfélags V-Húnvetninga verður haldinn í Hlöðunni, veitingahúsi á Hvammstanga miðvikudaginn 17. september n.k.  kl 20:30. 

Auk venjulegra aðalfundarstarfa mun Bergsveinn Þórsson, svæðisstjóri Norðurlandsskóga í Húnavatnssýslum og Skagafirði, mæta og ræða um skógrækt og trjátegundir og sýna myndir frá starfseminni á liðnum árum.

Nýir félagar velkomnir í félagið og til fundarins.

Stjórn Skogræktarfélags V-Húnvetninga

Aðalfundur Skógræktarfélags Íslands árið 2014 var settur í morgun en að þessu sinni er hann haldinn á Akranesi, í boði Skógræktarfélags Akraness, í samstarfi við Skógræktarfélag Skilmannahrepps.

Hófst fundurinn með ávörpum Magnúsar Gunnarssonar, formanns Skógræktarfélags Íslands, Sigurðar Inga Jóhannssonar, umhverfis- og auðlindaráðherra, Jens B. Baldurssonar, formanns Skógræktarfélags Akraness, Jóns Loftssonar skógræktarstjóra og Ólafs Adolfssonar, formanns bæjarráðs Akraness.  Að ávörpum loknum tók við skýrsla stjórnar og kynning reikninga Skógræktarfélags Íslands og Landgræðslusjóðs. Hannibal Kristjánsson ferðamálafulltrúi sagði svo stuttlega frá Akranesi.

Eftir hádegismat verður svo unnið að tillögum að ályktunum í nefndum, en að því loknu verður Jón Guðmundsson með stutt erindi um eplarækt á Akranesi. Því næst verður haldið í kynnisferð á vegum Skógræktarfélags Akraness um skógarreiti í nágrenninu. Fundurinn heldur svo áfram á laugardag og sunnudag.

79. aðalfundur Skógræktarfélags Íslands verður haldinn dagana 15. – 17. ágúst og fer fundurinn að þessu sinni fram á Akranesi, en Skógræktarfélag Akraness, í samvinnu við Skógræktarfélag Skilmannahrepps, er gestgjafi fundarins.

Fundurinn hefst að morgni föstudagsins 15. ágúst og stendur fram að hádegi á sunnudaginn. Auk hefðbundinna aðalfundarstarfa verða flutt fjölbreytt fræðsluerindi og farið í vettvangsferðir, þar sem skógræktarsvæði við Akranes og í Hvalfjarðarsveit verða skoðuð.

Aðalfundur félagsins er mikilvægur félagslegur vettvangur fyrir skógræktarfélögin, en þar gefst fundargestum kostur á að viðhalda og endurnýja kynni við gamla og nýja félaga innan skógræktarfélaganna.

Upplýsingar um fundinn má finna hér á heimasíðu félagsins, en auk þess verður hægt að fylgjast með gangi fundarins á Facebook-síðu félagsins.

Aðalfundur Skógræktarfélags Suður-Þingeyinga árið 2014 verður haldinn í Ljósvetningabúð miðvikudagskvöldið 18. júní og hefst fundurinn kl. 20:30.

Að fundi loknum eru kaffiveitingar og síðan verður Fellsskógur skoðaður undir leiðsögn Ólafs Ingólfssonar.

Allir hjartanlega velkomnir.

Aðalfundur Skógræktarfélags Akraness verður haldinn mánudaginn 12. maí 2014 kl. 20:00 í Fjölbrautaskóla Vesturlands

Dagskrá
1) Hefðbundin aðalfundarstörf.
2) Tillaga að lagabreytingu.
3) Sumarstarfið. Ráðstöfun styrks frá Landgræðslusjóði og styrkjum frá fyrirtækjum sem safnað var í mars.
4) Aðalfundur Skógræktarfélags Íslands 2014 á Akranesi. Umræður um undirbúning fundarins.
5) Önnur mál.

Kaffiveitingar

Sjá nánar á heimasíðu Skógræktarfélags Akraness: https://www.skog.is/akranes/

Aðalfundur Skógræktarfélags Eyfirðinga verður haldinn í húsnæði félagsins í Kjarnaskógi sunnudaginn 11. maí og hefst hann klukkan 14:00.

Auk hefðbundinna aðalfundarstarfa verður ræktunarstöð Sólskóga í Kjarnaskógi skoðuð undir leiðsögn Katrínar Ásgrímsdóttur.

Vonumst við til að sjá sem flesta félagsmenn og nýjir félagar eru sérstaklega boðnir velkomnir.

Skógræktarfélag Eyfirðinga