Fundir og ráðstefnur

Hekluskógar bjóða til málþings í Gunnarsholti 16. apríl kl. 13 til 16:30. Hekluskógar hafa starfað að endurheimt birkiskóga í nágrenni Heklu frá árinu 2007 og hefur mikið áunnist í uppgræðslu og ræktun birkilunda frá því að verkefnið hófst.
Á málþinginu verður farið yfir stöðu verkefnisins, þann árangur sem náðst hefur og framtíðarhorfur verkefnisins á hinu víðfeðma starfsvæði Hekluskóga. Einnig verður fjallað um rannsóknaverkefni sem unnin hafa verið á starfsvæði verkefnisins og helstu niðurstöður þeirra.
Þingið hefst kl. 13:00 í Frægarði í Gunnarsholti og lýkur kl. 16:30. Boðið verður upp á súpu og brauð í hádeginu. Skráning á ráðstefnuna fer fram í tölvupósti til Eddu Linn Rise á netfangið eddalinn@land.is, fyrir 15. apríl.

Dagskrá:
11:00 Gestir boðnir velkomnir í Gunnarsholt. Sveinn Runólfsson.
11:10 Endurheimt vistkerfa – hvers vegna, hver og hvernig? Björn H. Barkarson.
11:25 Hvað hefur gerst og við hverju má búast eftir gjóskugos? Friðþór S. Sigumundsson.
11:45 Uppgræðsla Landgræðslunnar á Hekluskógasvæðinu. Sveinn Runólfsson.
12:00 Súpa og brauð í Gunnarsholti.
12:45 Eyðing og útbreiðsla birkiskóga. Friðþór Sófus Sigurmundsson.
13:05 Hekluskógaverkefnið – saga, aðferðir, framkvæmdir, árangur og framtíð. Hreinn Óskarsson.
13:35 Kortlagning framkvæmda. Ívar Örn Þrastarson.
13:50 Reynslusaga landeiganda. Sveinn Sigurjónsson á Galtalæk II.
Rannsóknir á Hekluskógasvæðinu
14:05 Yfirlit yfir rannsóknir á Hekluskógasvæðinu. Ása Aradóttir og Guðmundur Halldórsson.
14:25 Birkiskógarnir breiðast út að nýju! Björn Traustason.
14:45 Líffræðilegur fjölbreytileiki í Hekluskógum: Hlutverk jarðvegseyðingar og framvindu. Heiða Gehringer.
15:00 Sandburður á Hekluskógasvæðinu. Elín Fjóla Þórarinsdóttir.
15:15 Lífrænn áburður og belgjurtir. Magnús H. Jóhannsson.
15:30 Umræður.
16:00 Ráðstefnulok.

Málþingsstjóri Björn B. Jónsson

Aðalfundur Skógræktarfélags Rangæinga verður haldinn þriðjudaginn 15. apríl 2014 í Árhúsum á Hellu og hefst kl. 20:00. Að loknum venjulegum aðalfundastörfum mun Birgir Haraldsson halda fræðsluerindi um skipulag skógræktar.

Allir velkomnir!

Stjórn Skógræktarfélags Rangæinga

Aðalfundur Skógræktarfélags Borgarfjarðar verður haldinn þriðjudagskvöldið 14. apríl kl 20:00 í ráðstefnusal gamla skólans í Reykholti, Reykholtsdal.

Dagskrá:
Venjuleg aðalfundarstörf
• Skýrsla stjórnar
• Reikningar
• Starfsáætlun
• Kosningar
• Ályktun stjórnar
• Önnur mál

Gestur fundarins, Hreinn Óskarsson, skógarvörður á Suðurlandi og verkefnisstjóri Hekluskóga, flytur erindið „Hvert er hlutverk skóganna í ferðamennsku?“

Kaffiveitingar og spjall.

Hvetjum nýja sem gamla félaga til að mæta.

Stjórnin

Aðalfundur Skógræktarfélags Mosfellsbæjar 2015 verður haldinn í húsi Björgunarsveitarinnar Kyndils, Völuteigi 23, Mosfellsbæ, þriðjudaginn 14. apríl kl. 20.00.

Dagskrá
1. Almenn aðalfundarstörf
2. Önnur mál
3. Ólafur Oddsson verkefnisstjóri Lesið í skóginn hjá Skógrækt ríkisins, heldur fyrirlestur um Skógrækt og skógarnytjar

Ólafur hefur kennt öllum aldurhópum tálgun og ferskar viðarnytjar frá 1999 og innleitt skógarnytjar í skólastarfi og kennt þau fræði við Menntavísindasvið HÍ, Landbúnaðarháskólann, Listaháskólann, Iðnskólann í Hafnarfirði, Fræðslu- og endurmenntunarmiðstöðvar um land allt auk þess að halda sérstök námskeið fyrir leik- og grunnskólakennara víða um land.

Félagsmenn eru hvattir til að mæta. Nýir félagar velkomnir.

Kaffiveitingar verða á staðnum.

Aðalfundur Skógræktarfélags Hafnarfjarðar verður haldinn í Hafnarborg, Strandgötu 35, fimmtudaginn 26. mars næst komandi kl. 20:00.

Dagskrá:

1. Venjuleg aðalfundarstörf
2. Hlé
3. Myndasýning. Sýndar verða myndir úr starfi félagsins í gegnum tíðina, en félagið fagnar 70 ára afmæli á næsta ári.

Kaffiveitingar í boði félagsins í hléi. Allir velkomnir!

Aðalfundur Skógræktarfélags Kópavogs verður haldinn miðvikudaginn 25. mars í Gullsmára 13 (Félagsheimili aldraðra) og hefst fundurinn kl. 20:00.

Dagskrá:

1. Skýrsla stjórnar um starfsemi félagsins á liðnu ári
2. Skýrslur nefnda.  Fossárnefnd
3. Lagðir fram  reikningar félagsins til samþykktar
4. Tillaga að félagsgjaldi
5. Lagabreytingar
6. Kosningar samkvæmt félagslögum
7. Tillögur um framtíðarverkefni félagsins og stefnumótun
8. Önnur mál

Erindi  um aldingarðinn og býflugurnar flytur Þorsteinn Sigmundsson,  bóndi  Elliðahvammi.

Veitingar í boði félagsins – allir velkomnir!

Stjórn Skógræktarfélags Kópavogs.

Aðalfundur Skógræktarfélags skáta við Úlfljótsvatn verður haldinn í húsakynnum Bandalags íslenskra skáta að Hraunbæ 123 þriðjudaginn 24. mars og hefst hann kl. 20:00.

Dagskrá:

Venjuleg aðalfundarstörf

Veitingar í boði félagsins

Erindi – Ólafur Proppé.

Skógarskátar hafa starfað að skógrækt við Úlfljótsvatn allt frá árinu 1987 og lagt þar með vel til „undralands skátanna“. Núna er í undirbúningi stórmót, alheimsmót skáta og er þegar byrjað að ryðja land fyrir nýjum tjaldflötum á svæðinu og á það ugglaust eftir að gera einhverjar kröfur til skógarskáta um hugsanlega aðkomu að gróðursetningu þar.

Boðað er til aðalfundar Skógræktarfélags Garðabæjar mánudaginn 23. mars n.k. í Safnaðarheimilinu Kirkjuhvoli við Kirkjulund og hefst fundurinn kl. 20:00.

Dagskrá:

• Venjuleg aðalfundarstörf
• Kaffihlé
• Fræðsluerindi flytur Friðrik Baldursson garðyrkjustjóri Kópavogsbæjar um Meltungu – trjásafn í Kópavogi. Trjásafnið í Meltungu er innst í Fossvogsdal á mörkum Kópavogs og Reykjavíkur og er fallegur garður sem alltof fáir vita af.

Allir velkomnir

Stjórn Skógræktarfélags Garðabæjar.

Fagráðstefna skógræktar 2015 og þemadagur NordGen verður haldin á Hótel Borgarnesi dagana 11.-12. mars næstkomandi. Fyrri dagur ráðstefnunnar verður haldinn í samstarfi við NordGen undir yfirskriftinni Aukin framleiðni skóga á jaðarsvæðum með trjákynbótum (Tree breeding for increased forest productivity in marginal areas). Dagskráin þennan dag fer fram á ensku eða skandinavísku en gefið verður út ráðstefnurit á íslensku. Seinni daginn verða fjölbreytt erindi varðandi skógrækt í sinni fjölbreyttustu mynd.

Dagskrá: 

Þriðjudagur 10. mars

 
 
Miðvikudagur 11. mars

Þemadagur á vegum NordGen-skog  – Aukin framleiðni skóga á jaðarsvæðum með trjákynbótum.

Fundastjórar: Ólöf Sigurbjartsdóttir og Sæmundur Þorvaldsson.

 
 
 Fimmtudagur 12. mars

Fundastjórar: Valgerður Jónsdóttir og Björn Jónsson.

Ráðstefnugögn verða afhent þriðjudaginn 10. mars kl. 16:00-18:00 eða miðvikudaginn 11. mars kl. 8:30-9:00. Er skógarfólk hvatt til að mæta á þriðjudeginum og nota kvöldið til að rækta tengslin við annað skógarfólk.

Skráning á ráðstefnuna fer fram til 4. mars á netfanginu hraundis@vestskogar. Við skráningu þarf að taka fram:
• Hvort gist er í eina eða tvær nætur.
• Hvort gist er í eins eða 2ja manna herbergi.
• Á hvaða stofnun og kennitölu reikningur á að fara.
• Hvort viðkomandi hugsi sér að taka þátt í kvöldverði á Landnámssetri á þriðjudagskvöldið.

Ráðstefnuhaldarar ganga frá pöntun við hótelhaldara á Hótel Borgarnesi. Greiða þarf gistingu og mat á staðnum til hótelsins, en ráðstefnugjald verður innheimt af Vesturlandsskógu.

Kostnaður:

Gisting og matur: 

Skipuleggjendur eru:
• NordGen Forest: Kjersti Bakkebø Fjellstad, Skúli Björnsson og Úlfur Óskarsson.
• Vesturlandsskógar: Sigríður Júlía Brynleifsdóttir formaður undirbúningsnefndar, Hraundís Guðmundsdóttir og Guðmundur Sigurðsson.
• Rannsóknarstöð skógræktar : Aðalsteinn Sigurgeirsson.
• Skógrækt ríkisins: Þröstur Eysteinsson og Valdimar Reynisson.
• Skógfræðingafélag Íslands: Rakel Jónsdóttir. 
• Landbúnaðarháskóli Íslands: Bjarni Diðrik Sigurðsson og Björgvin Eggertsson. 
• Landssamtök skógareigenda: Hrönn Guðmundsdóttir.
• Skógræktarfélag Íslands: Einar Gunnarsson

Skrifstofa Skógræktarfélags Íslands veður lokuð dagana 11.-12. mars, þar sem starfsfólk verður allt á Fagráðstefnu skógræktar í Borgarnesi. Skrifstofan opnar svo aftur að venju föstudaginn 13. mars.