Fundir og ráðstefnur

Jólafundur Skógræktarfélags Kópavogs verður haldinn í Félagsheimili aldraðra, Gullsmára 13, miðvikudaginn 7. desember kl. 20.00.

Dagskrá:

1. Erindi: Jón Ásgeir Jónsson skógfræðingur og Kristinn H. Þorsteinsson garðyrkjufræðingur flytja erindi sem þeir nefna „Útivistarskógur til fyrirmyndar“.

Útivistarskógar gegna mikilvægu og fjölþættu hlutverki í samfélagi okkar. Mikilvægi þeirra er ekki einungis bundið við það sem við sjáum í skóginum heldur kemur virði þeirra fram í mörgu öðru eins og í notkun þeirra og því hvaða aðgang almenningur hefur að þeim. Vinsældir útivistar í íslenskum skógum hefur aldrei verið meiri og daglega njóta hundruð manna útivistar í skógum landsins. Jón og Kristinn ætla að leiða hugann að útivistarskógum, fjölbreytileika þeirra og notkun.

2. Jólahappdrætti 10 jólatré frá Fossá

3. Önnur mál.

Allir velkomnir meðan húsrúm leyfir.

Skógræktarfélag Kópavogs.

Fagráðstefna skógræktar 2017, sem jafnframt er 50 ára afmælisráðstefna Rannsóknastöðvar skógræktar á Mógilsá, verður haldin dagana 23.-24.mars 2017 í Hörpu. Þema ráðstefnunnar er Með þekkingu ræktum við skóg og verða erindin fyrri daginn helguð því. Seinni daginn verða flutt ýmis erindi um skógrækt í sinni fjölbreyttustu mynd og nú auglýsir undirbúningsnefndin eftir erindum og veggspjöldum fyrir þann hluta ráðstefnunnar. Áhugasamir sendi tillögur á netfangið johanna@skogur.is merkt Fagráðstefna 2017 fyrir 15. desember 2016. Þar komi fram titill (má vera til bráðabirgða) og eins hvort óskað sé eftir því að halda erindi eða kynna efnið á veggspjaldi.

Nánari upplýsingar um dagskrá og skráningu koma síðar.

Undirbúningsnefndina skipa: Edda Sigurdís Oddsdóttir, Rannsóknastöð skógræktar, Mógilsá, Bjarni D. Sigurðsson prófessor við Landbúnaðarháskóla Íslands, Einar Gunnarsson, Skógræktarfélagi Íslands, Hrönn Guðmundsdóttir, Landssamtökum skógareigenda og Lárus Heiðarsson, Skógfræðingafélagi Íslands.

Aðalfundur Skógræktarfélagsins Dafnar verður haldinn þriðjudaginn 6. september kl 17:00 í Ásgarði (nákvæm staðsetning auglýst síðar).

Dagskrá:

17:00 Aðalfundur – venjuleg aðalfundarstörf – kaffi og meðlæti

18:00 Gróðursetning skógarplantna á Hvanneyri (5 mín frá Ásgarði)

20:00 Grillaðar pylsur og meðlæti í skjólbeltinu við Hvanneyri í boði Dafnar

Aðalfundur Skógræktarfélags Grindavíkur verður haldinn þriðjudaginn 3. maí í Hópskóla kl. 20:00.

Á dagskrá eru hefðbundin aðalfundarstörf.

Allir hjartanlega velkomnir!

Aðalfundur Skógræktarfélags Selfoss verður haldinn miðvikudaginn 13. apríl kl. 20 í starfsmannahúsi Skógræktarfélags Árnesinga á Snæfoksstöðum.

Auk hefðbundinna aðalfundarstarfa verður kynning á hugmyndum um endurbætur og uppbyggingu við Hellinn og umhverfi hans.

Félagar, nýir sem gamlir, velkomnir. Léttar veitingar.
 

Sjá á heimasíðu Skógræktarfélags Árnesinga – http://hellisskogur.is/

Aðalfundur Skógræktarfélags Mosfellsbæjar 2016 verður haldinn í húsi Björgunarsveitarinnar Kyndils, Völuteigi 23, Mosfellsbæ, mánudaginn 11. apríl kl. 20.00.

Dagskrá
1. Almenn aðalfundarstörf
2. Önnur mál
3. Myndasýning úr starfi félagsins í tilefni 60 ára afmælis þess árið 2015

Félagsmenn eru hvattir til að mæta. Nýir félagar velkomnir.

Kaffiveitingar verða á staðnum.

Aðalfundur Skógræktarfélags Hafnarfjarðar verður haldinn laugardaginn 9. apríl í Apótekinu, Hafnarborg, Strandgötu 34. Fundurinn hefst kl. 14:00. Að loknu kaffihléi verður ráðstefna á sama stað um notagildi upplandsins og framtíð skógræktar í bæjarlandinu, í tilefni þess að Skógræktarfélag Hafnarfjarðar fagnar sjötíu ára afmæli sínu í ár.

Dagskrá ráðstefnu:
Kl. 15.00 – 17.00
Rósa Guðbjartsdóttir formaður bæjarráðs ávarpar fundinn
Þröstur Eysteinsson skógræktarstjóri – Árangur í skógrækt, við getum gert betur 
Þráinn Hauksson landslagsarkitekt – Útivistartækifærin í upplandi Hafnarfjarðar
Pétur Svavarsson hlaupari – Utanvegahlaup um svæði Skógræktar

Nánari upplýsingar er að finna á heimasíðu félagsins skoghf.is og fésbókarsíðu. Allir velkomnir meðan húsrúm leyfir.

Aðalfundur Skógræktarfélags Borgarfjarðar verður haldinn laugardaginn 2. apríl kl. 14:00 í fundasal á Bjarnarbraut 8 í Borgarnesi.

Auk hefðbundinna aðalfundarstarfa mun Sigríður Erla Elefsen skógfræðingur flytja erindi er nefnist „Skjólbelti og skógar í þjónustu vegfarenda“.

Kaffiveitingar í boði og bæði gamlir og nýir félagar velkomnir!

Árleg fagráðstefna skógræktar verður haldin í Félagsheimilinu Patreksfirði dagana 16.-17. mars 2016. Þrír meginkaflar eða umfjöllunarefni verða fyrirferðarmest í alls níu erindum fyrri dag ráðstefnunnar; 1) Yfirvofandi loftslagsbreytingar og viðbrögð við þeim, 2) Hvernig efni er að koma úr íslenskum skógum og hver verða hugsanleg framtíðarnot, og 3) Tækni og notkun landupplýsinga. Auk þess verða fjórtán önnur erindi um ýmis mál úr öllum skógarhornum.

Hvar, hvernig, hvað kostar?
Ráðstefnan fer fram í félagsheimilinu á Patreksfirði í um 200 m göngufjarlægð frá hótelinu.

Skráning á ráðstefnuna:
Skráning á netfanginu skjolskogar@skjolskogar.is eða í símum 459-8201/893-1065. Við skráningu munu Skjólskógar sjá um að bóka gistingu á Fosshótel Vestfirðir Patreksfirði og því þyrfti að fylgja ósk um eins eða tveggja manna herbergi og einnig hverjum þeim hugnast að deila herbergi með. Ef gistirými þrýtur á hótelinu þá höldum við áfram að bóka á önnur gistiheimili á staðnum.

Kostnaður:
Ráðstefnugjald 6.000 kr. Nemendur LbhÍ þurfa ekki að greiða ráðstefnugjald.

Gisting og matur:
Fosshótel Vestfirðir: Gisting pr. herbergi (eins eða tveggja) með morgunmat 11.400 kr. pr. sólahring. (= 5.700 kr. á manninn ef tveir í herbergi)
Matur pr. mann á ráðstefnutímanum (kvöldhressing þann 15. mars, 2 x hádegisverður, 2 x kaffi og
með því + kaffi á ráðstefnutíma) 7.280 kr.
Hátíðarkvöldverður 7.200 kr.

Dagskrá fagráðstefnu 2016:
15. mars

16. mars

17. mars

Að venju er gert ráð fyrir að Rit Mógilsár gefi út ráðstefnurit með efni frá Fagráðstefnu skógræktar.

Hvernig komast menn á Patreksfjörð?
Þangað liggja auðvitað allar leiðir…

Á eigin vegum:
Akstursleiðir: Reykjavík – Patreksfjöður er 400 km.
Akureyri – Patreksfjörður er 512 km (um Laxárdalsheiði).

Akstur og ferja:
Einnig má fara sjóveg yfir Breiðafjörð (http://saeferdir.is/FerjanBaldur/). Þessi ferðamáti sparar hvorki pening né tíma en er skemmtilegur.
Reykjavík-Stykkishólmur + Brjánslækur – Patreksfjörður: 172 + 56 = 228 km.
Akureyri-Stykkishólmur + Brjánslækur – Patreksfjörður: 363 + 56 = 419 km.

Flug:
Það er flugfélagið Ernir (http://ernir.is/aaetlunarflug) sem er með daglegar ferðir á flugvöllinn á Bíldudal, þaðan er flugrúta á Patreksfjörð, 30 km.

Á vegum Suðurlandsskóga:
Suðurlandsskógar standa fyrir rútuferð vestur á Patreksfjörð 15. mars og til baka 17. mars.
Lagt af stað 15. mars klukkan 12:00 frá Krónunni Selfossi
Frá Olís Rauðavatni klukkan 12:45
Frá Mógilsá klukkan 13:15
Frá Hyrnunni Borgarnesi klukkan 14:15
Til baka klukkan 15:15 fimmtudaginn 17. mars.
Fróðleikur, gamanmál, sögur, upplestur og söngur. Þetta allt ásamt góðu sæti í ÞÁ bíl kostar aðeins krónur 9. 000.- á farþega.

Nánari upplýsingar og skráning hjá Hörpu Dís, harpadis@sudskogur.is, eða í síma s 899-9653.

Skipuleggjendur fagráðstefnu eru:
• Skjólskógar á Vestfjörðum: Sæmundur Kr. Þorvaldsson.
• Skógrækt ríkisins: Pétur Halldórsson.
• Rannsóknarstöð skógræktar Mógilsá: Aðalsteinn Sigurgeirsson.
• Skógfræðingafélag Íslands: Bergsveinn Þórsson.
• Skógræktarfélag Íslands: Einar Gunnarsson.
• Landbúnaðarháskóli Íslands: Bjarni Diðrik Sigurðsson.

Skógræktarfélag Garðabæjar heldur aðalfund fimmtudaginn 3. mars 2016 og hefst hann kl. 20:00. Fundurinn er haldinn í Safnaðarheimilinu Kirkjuhvoli við Kirkjulund.

Dagskrá:
1. Venjuleg aðalfundarstörf:
1.1. Kjör fundarstjóra
1.2. Skýrsla stjórnar 2015
1.3. Reikningar félagsins 2015
1.4. Ákvörðun um félagsgjöld 2016
1.5. Stjórnarkjör
2. Önnur mál
3. Kaffiveitingar í boði félagsins
4. Gestur fundarins er Bjarni Diðrik Sigurðsson frá Landbúnaðarháskóla Íslands, erindið hans verður um Skógrækt og náttúruskóga í Chile.

Allir eru hjartanlega velkomnir.

Stjórn Skógræktarfélags Garðabæjar
www.skoggb.is

Bjarni Diðrik Sigurðsson fjallar um náttúruskóga Chile á fundinum (Mynd: Bjarni Diðrik Sigurðsson).