Aðalfundur Skógræktarfélags Íslands árið 2010 verður haldinn á Selfossi dagana 27.-29. ágúst 2010 og er það Skógræktarfélag Árnesinga sem er gestgjafi fundarins að þessu sinni.
Nánari upplýsingar um fundinn verða settar inn á síðu fundarins annars staðar á vefnum (sjá hér) eftir því sem þær liggja fyrir.
Aðalfundur Skógræktarfélags N-Þingeyinga verður haldinn á Kópaskeri fimmtudaginn 10. júní. Fundurinn hefst með skógargöngu í Akurgerði, kl. 17:30, undir leiðsögn verkefnisstjóra, Guðmundar Arnar Benediktssonar („Bóa“). Fundurinn sjálfur er svo haldinn í Öxi.
Allir velkomnir.
Stjórnin.
Ársfundur Kolviðar árið 2010 verður haldinn mánudaginn 7. júní kl. 12:15 í Nauthól við Nauthólsvík (Nauthóll er fyrir aftan Háskólann í Reykjavík, um 150 m frá ylströndinni).
Dagskrá:
Fundur settur kl. 12.15
Skýrsla stjórnar
Ársreikningur kynntur
Hvað vitum við um kolefnisbindingu með skógrækt? Bjarni Diðrik Sigurðsson, prófessor við LBHÍ
Fyrirspurnir og umræður
Fundi slitið kl. 13.45
Aðalfundur Landverndar verður haldinn að Nauthóli við Nauthólsvík miðvikudaginn 26. maí. Húsið opnar kl. 14.30 og hefst fundur á almennum aðalfundarstörfum kl. 15.00.
Stjórn og starfsmenn Landverndar vinna um þessar mundir að stefnumótun fyrir samtökin sem miðar að því að skerpa áherslur og efla náttúruvernd á Íslandi. Við viljum gjarnan fá félaga og aðildarfélög til liðs við okkur í þessari vinnu og hefur í þeim tilgangi verið skipulagt svokallað framtíðarþing sem hefst að loknum aðalfundi kl. 16.30.
Dagskrá lýkur kl. 18.00 með afhendingu Bláfánans við Ylströndina í Nauthólsvík.
Málþing til heiðurs Ingva Þorsteinssyni áttræðum verður haldið í Norræna húsinu fimmtudaginn 29. apríl.
Dagskrá:
Aðalfundur:
14:00 Gróður fyrir fólk í Landnámi Ingólfs
14:50 Kaffi- og kleinuhlé
Málþing: Fundarstjóri Björn Sigurbjörnsson
15:05 Hver er Ingvi Þorsteinsson? Björn Sigurbjörnsson
15:15 Gróðurrannsóknir Ólafur Arnalds
15:40 Gróðurkortagerðin Guðmundur Guðjónsson
16:00 Gróðurvernd Sveinn Runólfsson/Andrés Arnalds
16:20 Frjáls félagasamtök Árni Bragason
16:35 Umræður
17:00 Svandís Svavarsdóttir umhverfisráðherra hefur síðasta orð
Að málþinginu loknu verður boðið upp á veitingar, „þjóðlegan nestispakka“. Samkoman hefst á aðalfundi Gróðurs fyrir fólk í Landnámi Ingólfs en þangað eru allir málþingsgestir velkomnir.
Tekið var viðtal við Ingva í þættinum Vítt og breitt á Rás 1 fimmtudaginn 29. apríl og má hlusta á það hér.
Náttúruverndar- og umhverfissamtök á Íslandi boða til náttúruverndarþings í hátíðarsal Menntaskólans við Hamrahlíð laugardaginn 24. apríl kl. 10:00-15:30.
Náttúruverndarþing er haldið til að leiða saman alla þá sem hafa áhuga á umhverfis- og náttúruverndarmálum. Markmiðið er að skapa öflugan grundvöll samstarfs og umræðu um málefni og baráttuaðferðir náttúruverndarfólks og náttúruverndarsamtaka á Íslandi.
Dagskrá þingsins er tvíþætt. Fyrri hluta dags verða flutt erindi um verkefni sem verið hafa til skoðunar og í umræðunni að undanförnu s.s. rammaáætlun um vernd og nýtingu náttúrusvæða, verndun jarðminja á framkvæmdasvæðum, endurheimt votlendis, loftslagsbreytingar og löggjöf um náttúruvernd. Einnig verður fjallað um stöðu og þýðingu náttúruverndar og spáð í framtíðina. Seinni hluti þingsins verður að hætti Heimskaffis helgaður málstofum um verkefnin framundan og leiðir til að takast á við þau.
Mikilvægt er að náttúruverndarfólk fjölmenni á þingið til að leggja á ráðin og hafa áhrif á þróun náttúruverndar á Íslandi til framtíðar.
Boðið verður upp á kaffiveitingar, súpu og brauð í hádeginu.
ALLIR VELKOMNIR!
Vinsamlegast tilkynnið þátttöku til Landverndar í síma 552 5242 eða með pósti til sigrunpals(hjá)landvernd.is. Upplýsingar hjá Einari Ó. Þorleifssyni í síma 857 2161 og Sigrúnu Pálsdóttur í síma 552 5242/866 9376
Dagskrá:
10.00 Setning ∙ Ólafur Páll Jónsson, heimspekingur
10.10 Ávarp ∙ Svandís Svavarsdóttur, umhverfisráðherra
10.25 Jarðminjar í kreppu ∙ Sigmundur Einarsson, jarðfræðingur
10.50 Rammaáætlun ‐ Hvað svo? Náttúran og löggjöfin ∙ Katrín Theódórsdóttir, lögmaður
11.15 Endurheimt votlendis og loftslagsbreytingar ∙ Einar Þorleifsson, Náttúruvaktin
11.30 Staða náttúruverndar í dag ∙ Árni Finnsson, formaður Náttúruverndarsamtaka Íslands
11.45 Náttúruverndarsamtök – þýðing og mikilvægi ∙ Björgólfur Thorsteinsson, formaður Landverndar
12.00 Hádegishlé
13.00 Málstofur að hætti Heimskaffis um verkefnin framundan og leiðir til að takast á við þau. 15.00 Ályktanir náttúruverndarþings
15.30 Fundarslit
Fundarstjórn: Hólmfríður Arnardóttir (Fuglavernd) og Lárus Vilhjálmsson (Landvernd)
Dagskráin er haldin í Háskólabíói fimmtudaginn 15. apríl kl.16:30-18:00 og er öllum opin. Húsið verður opnað kl. 15:30 og eru gestir hvattir til að mæta stundvíslega þar sem sent verður beint út í sjónvarpi og útvarpi.
Kristín Ingólfsdóttir rektor Háskóla Íslands, setur dagskrána kl. 16:30 og í kjölfarið munu Jóhanna Sigurðardóttir forsætisráðherra og Hanna Birna Kristjánsdóttir borgarstjóri ávarpa afmælisbarnið. Háskóli Íslands, stjórnvöld og Reykjavíkurborg standa að afmælishátíðinni.
Þá tekur við dagskrá í myndum, tali og tónum undir listrænni stjórn Kolbrúnar Halldórsdóttur. Dagskráin er afmælisgjöf til Vigdísar frá listamönnum og þeim samtökum sem Vigdís hefur unnið hvað mest með. Dagskránni lýkur laust fyrir kl. 18 með ávarpi afmælisbarnsins.
Heiðrum Vigdísi á þessum merkisdegi hennar með því að fjölmenna á afmælishátíðina.
Nánari upplýsingar á vef Stofnunar Vigdísar Finnbogadóttur og hjá svanhvit@hi.is
Í tengslum við hátíðardagskrána er einnig haldin vísindaráðstefna dagana 15.-17. apríl. Sjá nánar á vef ráðstefnunnar.
Aðalfundur Skógræktarfélagsins Merkur verður haldinn á Hótel Kirkjubæjarklaustri laugardaginn 24. apríl kl. 13.30.
Fundarefni:
1. Venjuleg aðalfundarstörf.
2. Önnur mál
Kaffiveitingar í boði félagsins.
Í lok fundarins mun Brynjólfur Jónsson, framkvæmdastjóri Skógræktarfélags Íslands, segja frá ferð Skógræktarfélags Íslands til Noregs s.l. haust og flytja erindið: Skiptiferðir til Noregs í 60 ár – saga og reynsla. Er eitthvað þangað að sækja fyrir skógræktarfólk á nýrri öld ?
Stjórnin.
Aðalfundur Skógræktarfélags Mosfellsbæjar verður haldinn mánudaginn 19. apríl kl. 20:00, í Safnaðarheimili Lágafellssóknar, Þverholti 3.
Dagskrá:
Almenn aðalfundarstörf
Erindi – dr. Helgi Sigurðsson dýralæknir og sagnfræðingur fjallar um sögu skógræktar á Íslandi.
Félagar fjölmennið!
Skógræktarfélag Mosfellsbæjar
www.internet.is/skogmos/
Aðalfundur Skógræktarfélags Rangæinga verður haldinn mánudaginn 19. apríl n.k. í Árhúsum á Hellu og hefst hann kl. 20:00.
Dagskrá:
1. Venjuleg aðalfundarstörf.
2. Viðurkenning veitt fyrir fallegan skógarreit í sýslunni.
3. Fræðsluerindi um Hekluskóga í umsjón Hreins Óskarssonar skógarvarðar og verkefnisstjóra Hekluskóga
4. Önnur mál.
Kaffi í boði félagsins.
Allir velkomnir.
Stjórnin.
Nýlegar athugasemdir