Fræðsla

Fjórða Opna hús ársins 2014 verður haldið þriðjudagskvöldið 15. apríl og hefst það kl. 20:00, í fundarsal Garðyrkjufélags Íslands að Síðumúla 1 (gengið inn frá Ármúla).

Barbara Stanzeit, Skógræktarfélagi Garðabæjar, segir í máli og myndum frá fræðsluferð Skógræktarfélags Íslands til Þýskalands haustið 2012, en hún var túlkur í ferðinni.

Aðgangur er ókeypis og allir eru velkomnir.

Þriðja Opna hús ársins 2014 verður haldið fimmtudagskvöldið 10. apríl og hefst það kl. 20:00, í fundarsal Garðyrkjufélags Íslands að Síðumúla 1 (gengið inn frá Ármúla).

Brynjólfur Jónsson, Skógræktarfélagi Íslands, segir í máli og myndum frá trjágróðri og görðum í Berlín.

Aðgangur er ókeypis og allir eru velkomnir.

Skógræktarfélag Reykjavíkur stendur fyrir þemadegi um ræktun jólatrjáa þann 10. apríl og verður hann haldinn að Elliðavatni í Heiðmörk.

Dagskrá:

Kl. 9.30 – 12.30 Fjárhagsáætlun fyrir jólatrjáaræktun
Hvernig settt er upp fjárhagsáætlun fyrir jólatrjáaræktun og haldið utan um kostnað og tekjur frá upphaf til enda ræktunarferlisins.
Kennari: Jóhanna Lind Elíasdóttir frá Rannsóknamiðstöð landbúnaðarins.

Kl. 12.30 – 13.15 Hádegismatur – Súpa og brauð í boði Skógræktarfélags Reykjavíkur

Kl. 13.15 – 17.30 Formun jólatráa, umhirða og klipping
Aðferðir við að forma og laga jólatré til að bæta útlit, auka gæði og nýtingarhlutfall.
Kennari: Marianne Lyhne frá Skov og Landskab, Nödebo Danmark

Kostnaður fyrir daginn: 10.000 kr. – Innifalð er fróðleikur, kaffi og bakkelsi.

Upplýsingar og skráning fyrir 8. apríl:
Else Möller nem.elsem@lbhi.is GSM: 867-0527
f.h.Sk.Rvk. saevar@heidmork.is GSM: 893-2655

Jólatré til sölu á Jólamarkaðinum á Elliðavatni jólin 2013 (Mynd: RF).

Annað Opna hús ársins 2014 verður haldið þriðjudaginn 1. apríl og hefst það kl. 20:00, í fundarsal Garðyrkjufélags Íslands að Síðumúla 1 (gengið inn frá Ármúla).

Kristján Baldursson, ferðaskrifstofunni Trex, segir í máli og myndum frá fræðsluferð Skógræktarfélags Íslands til Colorado síðast liðið haust, en Trex sá um skipulagningu ferðarinnar í samráði við Skógræktarfélagið.

Aðgangur er ókeypis og allir eru velkomnir.

Skógræktarfélag Reykjavíkur stóð í samstarfi við Else Möller fyrir vel heppnuðu námskeiði á Elliðavatni um ræktun jólatrjáa síðast liðið haust. Í ár verður boðið upp á röð námskeiða þar sem sérfræðingar munu fara ofan í saumana á mikilvægum atriðum í ræktun og umhirðu jólatrjáa.

Fyrsta námskeiðið verður haldið þann 11. mars.

Nánari upplýsingar má finna hér (pdf).

Else Möller fjallar um jólatrjáaræktun á námskeiði haustið 2013 (Mynd:RF).

Fyrsta Opna hús ársins 2014 verður haldið fimmtudagskvöldið 6. mars og hefst það kl. 20:00, í fundarsal Garðyrkjufélags Íslands að Síðumúla 1 (gengið inn frá Ármúla).

Gústaf Jarl Viðarsson, skógfræðingur hjá Skógræktarfélagi Reykjavíkur, segir í máli og myndum frá ferðalagi um skóga Kaliforníu síðast liðið haust.

Aðgangur er ókeypis og allir eru velkomnir.

Skógræktarfélagið Dafnar, skógræktarfélag nemenda og starfsmanna við Landbúnaðarháskóla Íslands, stendur fyrir opnu fræðsluerindi þriðjudaginn 28. janúar um Náttúruskóga og skógrækt í Chile í S-Ameríku. Fyrirlesari er Bjarni Diðrik Sigurðsson, en hann dvaldi í Chile í rúmar tvær vikur í nóvember og desember síðast liðinn, þar sem hann tók þátt í að kenna alþjóðlegt doktorsnemanámskeið í skógvistfræði, sem haldið var í samvinnu skógfræðideildar Sænska landbúnaðarháskólans (SLU), háskólans í Norður-Karólínu í Bandaríkjunum og háskólans í Concepcion í Chile. Í þeirri ferð fékk hann einstakt tækifæri til að kynnast skógarmálum í þessu fjarlæga landi.

Erindið er opið öllum og er haldið í Ásgarði, aðalbyggingu Landbúnaðarháskóla Íslands á Hvanneyri, kl. 17:00-17:45.

Út eru komnar Ræktunarleiðbeiningar fyrir hindber.Ræktun utandyra, í plastskýlum og í gróðurhúsum. Ræktunarleiðbeiningarnar eru þróaðar sem hluti af verkefninu ATLANTBERRY (Framþróun berjaframleiðslu í atvinnuskyni á Norður-Atlantshafssvæðinu). ATLANTBERRY verkefnið er styrkt af NORA (Nordic Atlantic Cooperation), Sambandi garðyrkjubænda, Vaxtarsamningi Suðurlands; L/F Meginfelag Búnaðarmanna and Faroese Research Council (Færeyjar); Grønlandsbankens Erhvervsfond and Kommun Kujalleq (Grænland).

Hægt er að nálgast leiðbeiningarnar á heimasíðu Landbúnaðarháskóla Íslands (hér).

Skógræktarfélag Kópavogs stendur fyrir fræðsluerindi mánudaginn 22. apríl, kl. 19:30 og fer það fram í Menntaskólanum í Kópavogi, stofu N15. Fyrirlesari er Sigríður Erla Elefsen.

Í daglegu umhverfi má víða finna „há og gömul tré“ en eru þau endilega svo „há og gömul“?. Meðan einhverjir standa frami fyrir háum trjám í görðum sínum eða sumarhúsalöndum, velta aðrir því fyrir sér hvað á að gróðursetja. Hvort sem hugað er að grisjun eða gróðursetningu gildir að sjá fyrir sér hvað verður. Í þessu erindi verða trjátegundir skoðaðar með tilliti til hæðar og aldurs. Einnig verður rætt lítillega um skjóláhrif og hvernig má hafa áhrif á þau.

Skógræktarfélag Kópavogs efnir til fræðslufundar um Yndisgróður í skógrækt mánudaginn 18. febrúar. Fyrirlesari er Samson B. Harðarson, landslagsarkitekt og lektor við Landbúnaðarháskóla Íslands

Fjallað verður um Yndisgróðursverkefnið og sagt frá ýmsum harðgerðum trjá- og runnategundum úr tilraunareitum verkefnisins, sem gagnast geta við að skreyta og þétta skógarjarða, skjólbelti og einnig til að auka fjölbreytileka og upplifun í yndisskógrækt. Heimasíða verkefnisins verður einnig kynnt og notkunarmöguleikar sýndir.

Fundartími er kl. 19:30-21:30 og er fundurinn haldinn í Menntaskólanum í Kópavogi, stofu N15. Gengið er inn frá Digranesvegi, austur – inngangur.

Aðgangseyrir: 500 kr

Allir velkomnir!