Félagsmönnum skógræktarfélaga hafa nú um margra ára skeið boðist sérkjör hjá Orkunni, þar sem félagsmenn fá afslátt af eldsneyti og ýmissi vöru, auk þess sem ein króna af hverjum keyptum lítra rennur til Skógræktarfélags Íslands.
Nú hefur Orkan hækkað afslátt til félagsmanna og er hann nú 10 kr. á lítrann. Nánar má kynna sér sérkjörin á www.orkan.is/skograekt.
Skrifstofa Skógræktarfélags Íslands verður lokuð fimmtudaginn 1. og föstudaginn 2. ágúst, vegna sumarleyfa og útivinnu starfsfólks. Ef nauðsynlega þarf að ná í starfsmann sendið tölvupóst eða hringið í farsíma viðkomandi (ath. ekki víst að sé alltaf farsímasamband). Netföng og símanúmer eru á heimasíðunni undir Starfsfólk.
The Icelandic Forestry Association office will be closed on August 1-2 as all staff are on vacation or working outside. If you need to reach a staff member send an e-mail or call their mobile. E-mails and phone numbers are listed under Our people.
84. aðalfundur Skógræktarfélags Íslands var haldinn í Kópavogi dagana 30. ágúst til 1. september 2019. Skógræktarfélag Kópavogs var gestgjafi fundarins, en það fagnaði 50 ára afmæli á árinu.
Fundurinn hóst að venju á föstudagsmorgni með ávörpum. Fyrstur tók til máls Jónatan Garðarsson, formaður Skógræktarfélags Íslands og því næst steig Kristinn H. Þorsteinsson, formaður Skógræktarfélags Kópavogs í pontu. Næst flutti Þröstur Eysteinsson skógræktarstjóri ávarp og að því loknu tók Ármann Kr. Ólafsson, bæjarstjóri Kópavogs, til máls.
Að ávörpum loknum tóku við hefðbundin aðalfundarstörf – kynning á skýrslu og ársreikningi Skógræktarfélags Íslands, skýrsla Landgræðslusjóðs, kynning tillagna að ályktunum og skipun í nefndir. Að því loknu var komið að fræðsluerindum. Friðrik Baldursson, garðyrkjustjóri í Kópavogi, fjallaði um Kópavog með grænum augum, Reynir Kristinsson, stjórnarformaður Kolviðar, fjallaði um loftslagsskóga og Kristinn H. Þorsteinsson sagði stuttlega frá fyrirhugaðri vettvangsferð dagsins.
Að hádegisverði loknum var svo haldið í vettvangsferðina. Byrjað var á því að heimsækja Þorstein Sigmundsson í Elliðahvammi og kynnast ræktun fjölskyldu hans þar, en því næst var haldið til Litladals við Lækjarbotna, þar sem Þröstur Ólafsson, fyrrverandi formaður Skógræktarfélags Reykjavíkur, hefur ræktað upp yndisskóg við sumarbústað sinn. Því næst var haldið í Guðmundarlund, þar sem haldin var mikil hátíð með ávarpi Guðna Th. Jóhannessonar, forseta Íslands, vígslu nýs fræðsluseturs í eigu Kópavogsbæjar og Skógræktarfélags Kópavogs og söng og veitingum.
Laugardagur hófst á nefndastörfum og að þeim loknum tóku við fræðsluerindi. Þorsteinn Tómasson plöntuerfðafræðingur fjallaði um birkikynbætur, Björn Traustason hjá Skógræktinni kynnti Avenza kortlagningaappið, Kristinn H. Þorsteinsson sagði frá því helsta úr 50 ára starfi Skógræktarfélags Kópavogs og Orri Freyr Finnbogason arboristi sagði frá starfi sínu við trjáklifur og trjáhirðu. Síðastur á mælendaskrá var svo Friðrik Baldursson, sem kynnti vettvangsferð dagsins.
Að loknum hádegisverði var gengið frá fundarstað í Fagralundi að Meltungu og svæðið þar skoðað, en þar kennir ýmissa grasa, með yndisgarði, trjásafni, rósagarði og mörgu fleira. Var gengið um svæðið og mikið skoðað og endað á hressingu.
Dagskrá laugardags lauk svo með hátíðarkvöldverði, sem haldinn var í Menntaskólanum í Kópavogi og hátíðardagskrá í boði Skógræktarfélags Kópavogs. Þrír félagar í Skógræktarfélagi Kópavogs voru heiðraðir fyrir störf sín í þágu skógræktar, þeir Þorsteinn Sigmundsson, Pétur Karl Sigurbjörnsson og Friðrik Baldursson. Var þeim félögum sem áttu tugaafmæli á árinu líka færðar árnaðaróskir og voru mættir fulltrúar frá tveimur þeirra – Skógræktarfélagi Kópavogs sem fagnaði 50 ára afmæli og Skógræktarfélagi Skilmannahrepps, sem er 80 ára. Einnig voru þau Elísabet Kristjánsdóttir og Þorvaldur S. Þorvaldsson gerð að heiðursfélögum Skógræktarfélags Íslands.
Á sunnudeginum tóku svo við hefðbundin aðalfundarstörf – afgreiðsla reikninga, ályktana og kosning stjórnar. Engar breytingar urðu á stjórn. Í varastjórn voru kosin þau Kristinn H. Þorsteinsson, Skógræktarfélagi Kópavogs, Valgerður Auðunsdóttir, Skógræktarfélagi Árnesinga, og Björn Traustason, Skógræktarfélagi Mosfellsbæjar.
Fundargögn
Samþykktar ályktanir aðalfundar 2019 (.pdf)
Dagskrá (.pdf)
Starfsskýrsla og reikningar Skógræktarfélags Íslands (.pdf)
Starfsskýrsla og ársreikningur Landgræðslusjóðs (.pdf)
Kolviður – ársreikningur 2018 (.pdf)
Skógræktarsjóður Húnavatnssýslu – ársreikningur 2018 (.pdf)
Úlfljótsvatn sf – ársreikningur 2018 (.pdf)
Yrkja – ársreikningur 2018 (.pdf)
Erindi á fundi og fylgigögn:
Björn Traustason – Avenza Maps (.pdf)
Friðrik Baldursson – Kópavogur með grænum augum (.pdf)
Friðrik Baldursson – Trjásafnið í Meltungu (.pdf)
Friðrik Baldursson – Trjásafnið í Meltungu (grein) (.pdf)
Friðrik Baldursson – Meltunga – Ættkvíslarlisti (.pdf)
Friðrik Baldursson – Meltunga – kort (.pdf)
Undanfarin ár hefur verið haldinn vinnu- og fræðsludagur í Hermannsgarði í Guðmundarlundi þar sem áhugasamir ræktendur hafa mætt og notið þess að stússast saman í garðinum stutta stund. Næsti slíkur dagur er fyrirhugaður fimmtudaginn 25. júlí. Stússið byrjar kl. 17 en hægt er að mæta þegar hentar eftir það. Verkfæri verða á staðnum og boðið upp á grillaðar pylsur og gos í dagslok.
Nánari upplýsingar eru á heimasíðu Garðyrkjufélags Íslands – https://gardurinn.is/event/1213/.
Skógarleikarnir verða haldnir laugardaginn 6.júlí frá kl. 13.00-17.00 í Heiðmörk. Skógarleikarnir eru nú orðinn árlegur viðburður hjá Skógræktarfélagi Reykjavíkur og stemmningin alltaf einstök.
Að vanda mun fagfólk í skógarhöggi keppa í skógaríþróttum þar sem tekist er á í æsispennandi keppni. Keppt er í hefðbundnum skógarhöggsgreinum svo sem afkvistun trjábola, nákvæmnisfellingu, axarkasti, sporaklifri og bolahöggi.
Samhliða keppninni er ævintýraleg stemmning í lundinum þar sem dregnir verða fram töfrar skógarins á margvíslegan hátt.
Tálgun hefur notið mikilla vinsælda síðustu ár þar sem gestir á öllum aldri geta spreytt sig undir handleiðslu Benedikts Axelssonar. Þátttakendum eru kennd undirstöðu atriðin í því hvernig hægt er að tálga úr ferskum viði.
Orri arboristi og Sebastian Morgenstjerne frá Trjáprýði munu kynna vinnubrögð trjáklifrara á mjög sjónrænan hátt.
Johan Grønlund mun kynna hvernig hægt er að vinna skúlptúra úr trjábolum með keðjusög. Þess má geta að Johan verður með námskeið í skúlptúragerð með keðjusög í vikunni eftir Skógarleikana.
Gústaf Jarl Viðarsson, skógfræðingur hjá Skógræktarfélaginu, mun fræða áhugasama um kolefnisbindingu trjáa með fróðlegri leiðsögn um skóginn
Skógurinn geymir einnig mikið af hráefnum til jurtalitunar. Hulda Brynjólfsdóttir mun kynna fyrir gestum hvaða jurtir gefa hvaða lit og hvernig hægt er að nýta þær til litunar. Hún mun vera með litunarlög mallandi í pottum þar sem gestir geta fylgst með ferlinu
Axarkastið hefur ávallt verið vinsælt og nú munu Berserkir leiðbeina gestum í axarkastinu
Skógarleikjatjaldið verður svo reist að vanda og mun seiðkona taka vel á móti gestum og bjóða upp á töfrastund í tjaldinu.
Eldsmiður mætir á svæðið og hamrar járnið yfir logandi eldinum, ásamt því að rista ilmandi möndlur.
Boðið verður upp á að grilla snúrubrauð yfir varðeldi og boðið upp á rjúkandi ketilkaffi í lundinum ásamt grillveislu í boði Skógræktarfélags Reykjavíkur.
Skógarleikarnir eru á instagram: skograektarfelagreykjavikur og á Facebook.
The Reykjavík Forestry Association will host its annual Forestry Games on Saturday, July 6, between one and five o‘clock.
Foresters will compete in various forestry sports, such as debranching, tree felling, axe throwing and more.
Various other activities will be on offer, for the entire family – whittling instructions, demonstrations of dyeing with plants, tree climbing, carving sculptures with a chainsaw and forging, a guided walk through the forest, axe throwing and a sorceress in a teepee!
Guests can also bake bread over an open fire and there will be refreshments on offer – a BBQ, kettle coffee and more.
The Forestry Games are on Instagram: skograektarfelagreykjavikur and on Facebook.
Líf í lundi (Life in the grove) is the heading for an outdoor recreation- and family day on June 22 in forests all over the country. This will be the second year this day is celebrated and its goal is to get the general public outside and enjoying the forests and all they have to offer.
The day is a collaboration of the key players in Icelandic forestry – forestry associations, the Iceland Forest Service and forest owners – in collaboration with other organisations.
More information on events on the day will be on the Skógargátt website (www.skogargatt.is) and the Líf í lundi Facebook-page – https://www.facebook.com/lifilundi/
Líf í lundi er útivistar- og fjölskyldudagur í skógum landsins, sem skógaraðilar á Íslandi standa sameiginlega að og verður hann haldinn í annað sinn í ár. Markmið hans er að fá almenning til að heimsækja skóga landsins og stunda hreyfingu, njóta samveru og upplifa skóga og náttúru landsins.
Boðið verður upp á fjölmarga viðburði í skógum landsins um land allt á laugardeginum 22. júní. Að deginum standa Skógræktarfélag Íslands og aðildarfélög þess, Skógræktin og Landssamtök skógareigenda, í samvinnu við aðrar stofnanir og félagasamtök, auk þess sem Arion banki styður almennt við verkefnið.
Nánari upplýsingar um viðburði verður hægt að finna á Skógargátt-vefsíðunni (www.skogargatt.is) og á Facebook-síðu Líf í lundi – https://www.facebook.com/lifilundi/, auk þess sem einstakir viðburðahaldarar verða með kynningu á sínum miðlum.
Fylgist með og takið þátt!
Á fimmudaginn 13. júní kl. 18-21 munu félagar úr Slysavarnarfélaginu Landsbjörgu og frá Skógræktarfélagi Íslands koma saman og gróðursetja 15.000 Rótarskots birkitré í Áramótaskóg Slysavarnarfélagsins á Hafnarsandi.
Fyrir síðustu áramót buðu björgunarsveitirnar upp á sölu Rótarskots – gróðursetningu eins trés – fyrir þá sem ekki vildu kaupa flugelda, en sú hugmynd kom upprunalega frá Rakel Kristinsdóttur. Nánast allir pakkar sem í boði voru seldust upp og verða plönturnar nú settar niður. Svæðið sem gróðursett verður í er á Hafnarsandi, nærri gatnamótum Þorlákshafnarvegar og Eyrarbakkavegar, en á næstu árum verður ráðist í mikla gróðursetningu á sandinum og er Áramótaskógurinn eitt þeirra verkefna sem hefur fengið úthlutað spildu.
Nýlegar athugasemdir