Takmörkuð viðvera verður á skrifstofu Skógræktarfélags Íslands yfir jólin og fram yfir áramót. Því er betra að hringja á undan sér (s. 551-8150) ef þið eigið erindi á skrifstofuna.
Það er enn hægt að nálgast falleg jólatré hjá nokkrum skógræktarfélögum nú síðustu dagana fyrir jól.
Skógræktarfélag Árnesinga er með jólatrjáasölu á Snæfoksstöðum helgina 21.-22. desember kl. 11-16. Sjá nánar: https://www.facebook.com/snaefokstadir
Skógræktarfélag Borgarfjarðar er með jólatrjáasölu hjá Kaupfélagi Borgarfjarðar fram að jólum. Sjá nánar: https://www.facebook.com/skograektarfelagborgarfjardar
Skógræktarfélag Eyfirðinga er með jólatrjáasölu í Kjarnaskógi til 23. desember, kl. 10-18 (nema 10-12 á Þorláksmessu). Sjá nánar: https://www.kjarnaskogur.is/jolatre
Skógræktarfélag Hafnarfjarðar í Gróðrarstöðinni Þöll við Kaldárselsveg til 23. desember kl. 10-18. Sjá nánar á: https://www.skoghf.is
Skógræktarfélag Mosfellsbæjar, í Hamrahlíð til 23. desember. Opið um helgar og á Þorláksmessu kl. 10-16 en kl. 12-17 virka daga. Sjá nánar: https://www.facebook.com/SkogMos/
Skógræktarfélag Reykjavíkur á jólamarkaðinum á Heiðmörk helgina 20.-21. desember kl. 12-17, á Lækjartorgi til 22. desember kl. 15-19 á virkum dögum og kl. 14-18 um helgar. Sjá nánar: https://www.heidmork.is
Skógræktarfélag Skilmannahrepps er með jólaskóg í Álfholtsskógi laugardaginn 21. desember kl. 12-15:30.
Skógræktarfélag Stykkishólms er með jólatrjáasölu í Sauraskógi sunnudaginn 22. desember kl. 12-15. Sjá: https://www.facebook.com/skograekt.stykkis
Nánari upplýsingar á http://www.skog.is/jolatrjaavefurinn/
Vegna úti- og fjarvinnu starfsfólks verður skrifstofa Skógræktarfélags Íslands lokuð þriðjudaginn 17. desember. Ef brýnt er að ná í einhvern má finna símanúmer starfsfólks á heimasíðu okkar.
Mætum aftur á skrifstofuna í jólaskapi miðvikudaginn 18. desember!
The second issue of Skógræktarritið 2024 – the Journal of the Icelandic Forestry Association – has now been published. The journal covers the various aspects of forestry. Among other things this issue has articles about the Tree of the Year 2024, the type and value of forest edges, what can be read from the snow in the forest, the Icelandic aspen, the annual meeting of the Icelandic Forestry Association and the main forest statistics for 2023.
Skógræktarritið is the only regular journal on forestry in Iceland and the main platform for writing by Icelandic foresters and others interested in the various aspects of forestry. The Forestry The journal is published twice a year and is sold in subscription. Subscription can be made by contacting the Icelandic Forestry Association at 551 8150 or by sending an email to skog@skog.is. Both traditional and electronic subscription are available.
Annað tölublað Skógræktarritsins 2024 er nú komið út. Að venju er fjallað um hinar ýmsu hliðar skógræktar í ritinu. Að þessu sinni eru meðal annars greinar um Tré ársins 2024, gerð og gildi skógarjaðra, hvað lesa má út úr snjónum í skóginum, íslensku blæöspina, aðalfund Skógræktarfélags Íslands og helstu skógartölur fyrir árið 2023.
Skógræktarritið (áður Ársrit Skógræktarfélags Íslands) er eina tímaritið um skógrækt á Íslandi og aðalvettvangur skrifa íslenskra skógfræðinga og annarra sem áhuga hafa á hinum ýmsu hliðum skógræktar. Skógræktarritið kemur út tvisvar á ári og er selt í áskrift og í lausasölu. Hægt er að gerast á áskrifandi með því að hafa samband við Skógræktarfélag Íslands í síma 551 8150 eða með því að senda póst á netfangið skog@skog.is. Í boði er bæði hefðbundin áskrift og rafræn.
Skógræktarfélag Íslands er nú komið í samstarf við Endurvinnsluna. Viðskiptavinum Endurvinnslunnar býðst frá og með 1. desember að styrkja Skógræktarfélag Íslands með gjafakorti sem gefur þeim kost á að gefa innlegg sitt til félagsins með því að skanna QR-kóða á völdum starfsstöðvum félagsins (Köllunarklettsvegi, Knarrarvogi, Skútahrauni og Dalvegi).
Garðyrkjuskólinn býður upp á ýmis áhugaverð námskeið sem nýst geta ræktunarfólki. Nú í janúar má sérstaklega benda á námskeið um trjáfellingar og grisjun með keðjusög. Nánari upplýsingar um námskeið í boði má finna á: https://www.fsu.is/is/namid/gardyrkjuskolinn-reykjum/gardyrkjuskolinn-namskeid.
In celebration of the 75th anniversary of the first planting of the friend nations of Norway and Iceland at Þingvellir, a ceremony will be held in Vinaskógur (Friendship Forest) on Wednesday, September 18th, in cooperation with the Norwegian Embassy in Iceland.
On this occasion, the President of Iceland, Halla Tómasdóttir, will plant trees in Vinaskógur with the Norwegian ambassador and the chairman of the Icelandic Forestry Association.
The ceremony will start at 13:00, after which at forest stand at Þingvellir will be visited, where Norwegians started their planting efforts in Iceland in 1949.
Since the establishment of the Friendship Forest at Þingvellir in 1990, on the initiative of Vigdís Finnbogadóttir, the Presidents of Iceland have participated in various events there, including hosting foreign guests and heads of state.
Í tilefni þess að 75 ár eru frá fyrstu gróðursetningu vinaþjóðanna Noregs og Íslands á Þingvöllum verður haldin athöfn í Vinaskógi á Þingvöllum miðvikudaginn 18. september nk. í samvinnu við sendiráð Noregs á Íslandi.
Af þessu tilefni mun Halla Tómasdóttir, forseti Íslands, gróðursetja tré í Vinaskógi ásamt sendiherra Noregs og formanni Skógræktarfélags Íslands.
Athöfnin hefst kl. 13:00 en að gróðursetningu lokinni verður skoðaður skógarlundur á Þingvöllum þar sem Norðmenn hófust handa árið 1949.
Frá því að stofnað var til Vinaskógar á Þingvöllum árið 1990, að frumkvæði Vigdísar Finnbogadóttur, hafa forsetar landsins tekið þar þátt í viðburðum af ýmsu tagi, m.a. komið með erlenda gesti og þjóðhöfðingja sem hingað hafa komið.
Árlegt átak Lands og skógar í samvinnu við skógræktarhreyfinguna og fleiri samtök og fyrirtæki hefst formlega á degi íslenskrar náttúru 16. september. Fyrsti viðburðurinn verður á vegum Lionsklúbbsins Sifjar í Reykhúsaskógi í Eyjafjarðarsveit klukkan sautján í samvinnu við Skógræktarfélag Eyfirðinga og skógarbændur í Reykhúsum.
Gott fræár er nú á birki um allt land sem er nokkuð óvenjulegt því gjarnan er fræmyndun á birki mjög misjöfn á landinu frá ári til árs. Í fyrra var mjög lítið um birkifræ nema í Vesturbyggð og þá var áhersla lögð á það svæði í átakinu Söfnum og sáum birkifræi sem nú hefur staðið yfir frá árinu 2020.
Þetta árið ríður Lionsklúbburinn Sif í Eyjafjarðarsveit á vaðið og efnir til fræsöfnunar í Reykhúsaskógi í Eyjafjarðarsveit á degi íslenskrar náttúru, mánudaginn 16. september, klukkan 17. Öllum er þar velkomið að koma og taka þátt í söfnuninni með klúbbfélögum og fulltrúum frá Skógræktarfélagi Eyfirðinga sem tekur þátt í viðburðinum. Reykhúsaskógur er samliggjandi Kristnesskógi til norðurs og gengið inn í hann norðan við Kristnesspítala.
Þrátt fyrir gott útlit um birkifræ í öllum landshutum þetta haustið ber að benda á að fræið hefur þroskast heldur hægt víðast hvar sökum þess hve sumarið hefur verið rysjótt og sólarlítið. Víða eru fræreklarnir á birkinu enn grænir en þó er farið að fréttast af reklum sem orðnir eru ljósbrúnir, til dæmis á Austfjörðum. Þar sem þeir eru enn grænir og harðir viðkomu gæti verið rétt að bíða með fræsöfnun. Birkifræi má safna langt fram á haust, svo lengi sem fræið hangir á trjánum.
Eins og undanfarin ár verða söfnunarkassar í Bónus-verslunum um allt land og á Olís-stöðvum. Sömuleiðis er tekið við fræi á starfstöðvum Lands og skógar sem eru nítján talsins í öllum landshlutum. Þessa dagana er verið að koma söfnunarkössunum upp og því verki ætti að vera lokið kringum 20. september. Pappaöskjur sem Prentmet Oddi framleiðir fyrir átakið verða fáanlegar til að safna fræinu í en einnig er gott að safna fræinu í bréfpoka eða tauskjóður. Aðalatriðið er að fræið nái að þorna í umbúðunum því að annars er hætta á að það mygli og skemmist.
Fólk er hvatt til að leggja birkiskógum landsins lið við að breiðast út á ný, annað hvort með því að safna fræi og senda inn í söfnunina eða með því að dreifa á eigin spýtur því fræi sem sáð er. Leita má til Lands og skógar, sveitarfélaga eða skógræktarfélaga eftir ábendingum um svæði sem vert er að sá í.
Kristinn H. Þorsteinsson, framkvæmdastjóri Skógræktarfélags Kópavogs, hefur yfirumsjón með söfnunarátakinu á birkifræi. Hann veitir nánari upplýsingar í netfanginu birkiskogur@gmail.com eða í síma 839 6700.
Nýlegar athugasemdir