Skrifstofa Skógræktarfélags Íslands verður lokuð eftir hádegi á Þorláksmessu, 23. desember. Viðvera starfsmanna á skrifstofunni verður stopul á milli jóla og nýárs, þannig að mælt er með því að fólk hringi á undan sér í síma 551-8150.
Gleðileg jól og farsælt komandi ár!
Laugardaginn 18. desember var opinn jólaskógur í Smalaholti. Skógræktarfélag Garðabæjar og Rótarýklúbburinn í Görðum unnu saman að því að opna skóginn fyrir fjölskyldur bæjarins til að velja sér jólatré. Skógrækt hófst í Smalaholti árið 1989 og komið að því að grisja skóginn. Mikil og góð þátttaka var í jólaskóginn, þar sem stórfjölskyldur komu og nutu saman útiveru og völdu sér jólatré.
Þó kalt væri, var kyrrt veður og allir vel búnir til útiveru. Svo var boðið upp á heitt kakó og piparkökur.
Skógræktarfélagið er mjög ánægt með hve þetta tókst vel og samstarfið við Rotaryklúbbinn.
Skógræktarfélag Garðabæjar óskar öllum bæjarbúum gleðilegra jóla.
(Myndir: Erla Bil Bjarnardóttir)
Tillögur nefndar að breytingum á náttúruverndarlögum (sjá hér) hafa fallið í heldur grýttan jarðveg hjá ýmsu skógræktarfólki og öðrum, sjá tengla hér að neðan.
Kvöldfréttir RÚV 20. desember.
Fréttir Stöðvar 2 mánudaginn 20. desember.
Leiðari Fréttablaðsins 21. desember.
Fréttablaðið 21. desember 2010.
Nú um helgina komu síðustu hópar þessa árs í heimsókn í jólaskóginn í Brynjudal og sáu veðurguðirnir um að það var smá hvítur litur á jörðinni þessa síðustu helgi. Fengu gestir góðan göngutúr um skóginn í leit að rétta trén og yljandi kakó-sopa að leit lokinni. Einnig sást til nokkurra rauðklæddra og hvítskeggjaðra manna á ferð í skóginum…
Skógræktarfélag Íslands þakkar öllum þeim sem sóttu sér tré í jólaskóginn í Brynjudal fyrir komuna og vonandi sjáum við sem flesta aftur að ári, á ári alþjóðlegur ári skóga!
Hér fyrir neðan má sjá nokkrar myndir frá „vertíð“ þessa árs í Brynjudal.
Búin að finna rétta tréð (Mynd: RF).
Börnin fá hollar og góðar mandarínur frá þessum jólasvein (Mynd: RF).
Jólatrénu pakkað í net (Mynd: RF).
Það er alltaf gaman að syngja og dansa með jólasveinunum (Mynd: RF).
Varðeldurinn er alltaf vinsæll (Mynd: RF).
Jólasveinninn heldur heim á leið (Mynd: RF).
Á vefsíðu umhverfisráðuneytisins eru nú kynntar tillögur nefndar að breytingum á náttúruverndarlögum (sjá hér). Jafnframt er öllum boðið að senda inn athugasemdir við tillögurnar til ráðuneytisins fyrir 7 janúar n.k. Í þessum tillögum eru atriði sem haft geta veruleg áhrif á skógrækt, landgræðslu og landbúnað – sjá heimasíðu Skógræktar ríkisins (hér).
Er allt skógræktarfólk hvatt til að lesa yfir drögin og senda inn sínar athugasemdir.
Í KAUPTÚNI 3 Í GARÐABÆ (gegnt IKEA)
Einnig tröpputré og eldiviður. Opið alla daga til jóla, virka daga frá klukkan 15 til 21 og um helgar frá 10 til 21.
JÓLASKÓGURINN Í HEIÐMÖRK
Höggðu þitt eigið jólatré. Einnig tröpputré, eldiviður og hangandi jólatré á kostakjörum.
Jólasveinn á svæðinu, frítt kakó og piparkökur
OPIÐ ALLA HELGINA FRÁ KL. 11-16
JÓLAMARKAÐURINN E LLIÐAVATNI HEIÐMÖRK
Um helgina verður fjölbreytt menningardagskrá á Jólamarkaðnum Elliðavatni. Hönnuðir og handverksfólk selja hágæða vörur. Íslensk jólatré til sölu og hin vinsælu tröpputré.
OPIÐ UM HELGINA FRÁ KLUKKAN 11 TIL 17.
Nánari upplýsingar í síma 564 1770 og á (pdf).
Jólamarkaðurinn Elliðavatni heldur áfram og fer nú í hönd fjórða helgin. Mjög góð aðsókn hefur verið á markaðinn og fólk notið þess að fara upp í Heiðmörk og upplifa náttúruna og hina sérstöku jólastemningu sem þar ríkir.
Auk hefðbundinnar jólatrjáasölu Skógræktarfélagsins er fjöldi íslenskra handverksmanna með söluborð víðs vegar á markaðnum; markaðskaffihús er opið allan tímann, tónlistafólk kemur fram með reglulegu millibili og rithöfundar lesa upp úr nýjum bókum sínum. Hin vinsæla hestaleiga er opin um miðjan daginn og Stúfur kemur áreiðanlega í heimsókn aftur. Að þessu sinni mæta líka nokkrir björgunarhundar með Rústabjörgunarsveit frá Landsbjörgu. Á Hlaðinu verður síðan Möndluristir og býður upp á ristaðar möndlur að hætti Mið-Evrópubúa.
Vegna mikillar umferðar um síðustu helgi verður nú sérstök umferðarstýring á svæðinu til að létta gestum aðkomuna. Opið klukkan 11-17 og allir velkomnir!
Hinn hefðbundni Jólaskógur í Hjalladal Heiðmörk verður síðan opinn meðan birtur nýtur, bæði laugardag og sunnudag. Ætlaður þeim sem vilja saga sín tré sjálfir. Jólasveinar, kakó og piparkökur handa öllum.
Þá hefur Skógræktarfélagið opnað nýja Jólatrjáasölu í Kauptúni Garðabæ þar sem er opið til klukkan 21 á hverju kvöldi fram að jólum. Stór og björt húsakynni þar sem í boði eru úrvals, nýhöggvin íslensk jólatré.
Þó nokkur skógræktarfélag munu selja jólatré núna síðustu helgina fyrir jól. Það er öllum í hag að kaupa ferskt íslenskt jólatré af skógræktarfélögunum og styrkja jafnframt skógræktarstarfið í landinu.
Eftirtalin skógræktarfélög eru með jólatré til sölu nú helgina fyrir jól. Nánari upplýsingar eru á jólatrjáavef skógræktarfélaganna (sjá hér).
Skógræktarfélag Austurlands
Eyjólfsstaðaskógi helgina 18.-19. desember, kl. 10-16.
Skógræktarfélag Austur-Húnvetninga
Gunnfríðarstöðum og Fjósum sunnudaginn 19. desember, kl. 11-15.
Skógræktarfélag Árnesinga
Snæfoksstöðum í Grímsnesi helgina 18.-19. desember, kl. 11-16.
Skógræktarfélag Borgarfjarðar
Daníelslundi og Reykholti, í samvinnu við björgunarsveitir á félagssvæðinu, helgina 18.-19. desember.
Skógræktarfélag Eyfirðinga
Laugalandi á Þelamörk helgina 18.-19. desember, kl. 11-14:30.
Skógræktarfélag Garðabæjar
Smalaholti, laugardaginn 18. desember, kl. 12-16.
Skógræktarfélag Hafnarfjarðar
Selinu við Kaldárselsveg (Höfðaskógi) helgina 18.-19. desember, kl. 10-18.
Skógræktarfélag Mosfellsbæjar
Hamrahlíð við Vesturlandsveg helgina 18.-19. desember, kl. 10-16. Einnig opið á virkum dögum 12-16. desember.
Skógræktarfélagið Mörk
Reit skógræktarfélagsins í Stóra-Hvammi, Fossi á Síðu sunnudaginn 19. desember, kl. 13-16.
Skógræktarfélag Rangæinga
Bolholti sunnudaginn 19. desember, kl. 12-15.
Skógræktarfélag Reykjavíkur
Helgina 18.-19. desember á Jólamarkaði félagsins að Elliðavatni, kl. 11-17 og í Hjalladal í Heiðmörk kl. 11-16. Einnig í Kauptúni 3 í Garðabæ alla daga fram að jólum, klukkan 15-21 virka daga og 10-21 um helgar.
Fossá í Hvalfirði – Skógræktarfélög Kópavogs, Mosfellsbæjar, Kjalarness og Kjósarhrepps
Fossá í Hvalfirði helgina 18.-19 desember, kl. 10-16.
Í aðalfréttatíma Ríkissjónvarpsins þann 13. desember var fín umfjöllun um íslensk jólatré, með viðtali við Kjartan Ólafsson, formann Skógræktarfélags Árnesinga.
Íslensk jólatré eru atvinnuskapandi, gjaldeyrissparandi, ferskari og vistvænni, þar sem eiturefni eru ekki notuð við ræktun þeirra og flytja þarf þau mun styttri leiðir á markað, sem losar auðvitað mun minna kolefni.
Veljum íslenskt – stafafuru, rauðgreni, blágreni eða sitkagreni!
Skoða má fréttina á vef Ríkissjónvarpsins – www.ruv.is.
Aðventan er líflegur tími hjá mörgum skógræktarfélögum. Undanfarin ár hafa skógræktarfélög um land allt tekið á móti fólki sem kemur í skógana til þess að velja og fella eigið tré, auk þess sem ýmis félög hafa selt felld tré, bæði beint og til smásöluaðila. Sum félög hafa líka boðið upp á ýmsan annan varning úr efniviði skógarins, en skógurinn nýtist til margs.
Hér á eftir má sjá smá sýnishorn af þeim viðburðum sem félögin standa fyrir. Ef þið lumið á skemmtilegum myndum úr heimsókn í jólaskóga skógræktarfélaganna eru þær velkomnar í hópinn!
Jólasveinarnir eru alltaf vinsælir meðal yngstu kynslóðarinnar (Mynd: RF).
Gullfallegir kransar hjá Skógræktarfélagi Hafnarfjarðar (Mynd: RF).
Jólamarkaðurinn á Elliðavatni verður vinsælli með hverju árinu (Mynd: RF).
Þessi sveinki er greinilega mjög fyndinn! (Mynd: RF).
Falleg kertaskreyting úr fjölbreyttu hráefni skógarins hjá Skógræktarfélagi Hafnarfjarðar (Mynd: RF).
Hin sívinsælu tröpputré á Jólamarkaðinum á Elliðavatni (Mynd: RF).
Jólasveinn á krakkaveiðum… (Mynd: Einar Örn Jónsson).
Hugguleg og vistvæn jólaskreyting hjá Skógræktarfélagi Hafnarfjarðar (Mynd: RF).
Það er gaman fyrir alla fjölskylduna að fara út í skóg og velja sér jólatré (Mynd: RF).
Nóg að gera á Jólamarkaðinum á Elliðavatni (Mynd: RF).
Jólatrjánum pakkað í net til flutnings í Jólaskógi Skógræktarfélags Íslands í Brynjudal (Mynd: RF).
Hringdans með jólasveinunum er alltaf skemmtilegur (Mynd: RF).
Depill, tilfallandi móttökustjóri hjá Skógræktarfélagi Íslands, á vaktinni í Jólaskóginum (Mynd: RF).
Nýlegar athugasemdir