Laugardaginn 26. apríl stendur Skógræktarfélag Hafnarfjarðar fyrir gönguferð um Höfðaskóg og yfir í skóginn í Selhöfða, en þar hefur verið grisjað töluvert að undanförnu og opnuð ný leið í gegnum skóginn. Skógurinn í Selhöfða var gróðursettur snemma á 9. áratug síðustu aldar.
Lagt verður af stað frá bækistöðvum félagsins og Gróðrarstöðvarinnar Þallar við Kaldárselsveg kl. 14:00. Boðið verður upp á kaffi í Þöll að göngu lokinni.
Gangan er hluti af dagskrá „Bjartra daga“ í Hafnarfirði, sem standa dagana 23.-27. apríl.
