Skógræktarfélag Eyfirðinga er með jólatrjáasölu í Laugalandsskógi á Þelamörk helgarnar 7.-8. og 14.-15. desember, kl. 11-15.

Þegar draumatréð er fundið verður hægt að orna sér við opinn eld og fá sér hressingu í boði félagsins. Oft skapast skemmtileg útivistarstemmning á svæðinu og heimsókn á Þelamörkina er ómissandi fyrir margar fjölskyldur í aðdraganda jóla.

Jólatrjáasalan styrkir starf félagsins sem annast útivistarsvæðið í Kjarnaskógi, m.a. treður þar göngustíga og skíðaspor og sér um tíu aðra skógarreiti á Eyjafjarðarsvæðinu.

Vegvísir:

Frá Akureyri/Dalvík – keyrt í átt að Þelamerkurskóla en áður en komið er að Laugalandsskógi og Þelamerkurskóla er beygt af þjóðvegi 1 við Grjótgarð og ekið eftir gömlum vegi samsíða þjóðveginum í átt að skóginum.

Allar nánari upplýsingar í síma 893-4047 eða á netfanginu ingi@kjarnaskogur.is

Hefðbundin jólatrjáasala verður svo í starfsstöð félagins í Kjarnaskógi. Hefst hún 5. desember og verður opin daglega fram á Þorláksmessu, kl. 10-18 (nema til hádegis á Þorláksmessu). Heimaræktuð tré og greinar og fleira fallegt! Nánari upplýsingar á heimasíðu félagins: https://www.kjarnaskogur.is/jolatre.

Staðsetning Laugalandsskógs:

https://goo.gl/maps/L8YocH3Dd2mLwbNk8

Sjá einnig Facebook-síðu félagsins – https://fb.me/e/1xFQTUh98

 

Fjölskyldustemmning í Laugalandsskógi.

Frá skreytingadeildinni.

Stolt með nýfundið jólatré.