Fréttir frá skógræktarfélögum

Skógræktarfélag Garðabæjar verður með vinnukvöld þriðjudaginn 29. maí. Mæting er við Aðstöðu, við Elliðavatnsveg, kl. 20:00.

Allir velkomnir.

Skógræktarfélag Garðabæjar

Skógræktarfélag Garðabæjar verður með vinnukvöld þriðjudaginn 22. maí. Mæting er við Aðstöðu, við Elliðavatnsveg, kl. 20:00.

Allir velkomnir.
Skógræktarfélag Garðabæjar

Eldri borgarar verða með handverkssýningu á tálguðum og útskornum munum í Selinu, bækistöðvum Skógræktarfélags Hafnarfjarðar og Þallar, við Kaldárselsveg laugardaginn kemur 19. maí milli kl. 10.00 – 18.00. Þöll verður opin á sama tíma. Nánari upplýsingar í síma Skógræktarfélagsins: 555-6455.

Búið er að draga út vinningshafa í Netfangaleik Laufblaðsins, en allir félagar í skógræktarfélögum sem skráðir eru með virkt netfang voru með í pottinum. Dregið var í gær, mánudaginn 14. maí. Þrír vinningshafar voru dregnir út og fær hver kr. 7.500 til nota í ræktuninni. Vinningshafarnir eru:

Árelía Eydís Guðmundsdóttir, Reykjavík
Nanna Guðný Sigurðardóttir, Hafnarfirði
Friðrikka Jóhanna Jakobsdóttir, Dalvík

Skógræktarfélag Íslands óskar þeim til hamingju og vonar að vinningarnir komi að góðum notum í gróandanum.

Gróðrarstöðin Þöll opnar aftur að loknum vetrardvala laugardaginn kemur 12. maí. Opið er á laugardögum frá kl. 10.00 – 17.00 en virka daga frá kl. 09.00 – 18.00. Þöll býður upp á allar tegundir trjáa og runna í garða og sumarbústaðalönd. Síminn er: 555-6455.

Skógræktarfélag Borgarfjarðar stendur fyrir starfsdegi í Grímsstaðagirðingu laugardaginn 5. maí, kl. 10-14.  Fólk sem mætir er beðið að taka með sér verkfæri (klippur, sagir, o.þ.h.) auk nestis.

Akstursleiðbeiningar:
Frá Borgarnesi er ekinn Snæfellsnesvegur (vegur vestur á Mýrar og Snæfellsnes). Eftir um 8 km er beygt til hægri upp Grímsstaðaveg og eknir um 9 km. Á hægri hönd eru þá malarhaugar og slóð sem liggur að girðingunni. Slóðin er ekki greiðfær öllum bílum, en það eru aðeins um 500 m að reitnum og því auðvelt göngufæri.

Allir velkomnir.

Skógræktarfélag Borgarfjarðar.

Skrifstofa Skógræktarfélags Íslands er lokuð fram yfir páska, vegna viðgerða á húsnæði félagsins. Hægt er að ná í starfsmenn í farsíma, ef brýna nauðsyn ber til:

Brynjólfur s. 820-2113
Einar G. s. 891-8643
Einar J. 895-6061
Hrefna s. 899-6833
Ragnhildur s. 897-1010

Skógræktarfélag Hafnarfjarðar er búið að setja í loftið nýja og glæsilega heimasíðu. Var síðan formlega opnuð á aðalfundi félagsins 7. mars síðast liðinn. Er þar að finna ýmislegan fróðleik um félagið og skógræktarsvæði þess, auk þess sem fylgjast má þar með nýjustu fréttum frá félaginu og þeim viðburðum sem félagið stendur fyrir.

Slóðin á nýju síðuna er: http://skoghf.is/

Jónatan Garðarsson, formaður Skógræktarfélags Hafnarfjarðar, opnar nýju vefsíðuna formlega (Mynd: BJ).

Í dag var skrifað undir samning um kaup Skógræktarfélags Íslands, Bandalags íslenskra skáta og Skátasambands Reykjavíkur á jörðinni Úlfljótsvatni austast í Grafningi. Jörðina keypti Reykjavíkurbær árið 1929 á 98 þúsund krónur vegna fyrirhugaðrar virkjunar í Soginu en jörðin fluttist yfir til Orkuveitunnar við stofnun hennar enda einnig jarðhiti þar. Skátar hafa haft meirihluta jarðarinnar á leigu og rekið þar skátamiðstöð í um 70 ár. Auk þess hefur verið stunduð þar skógrækt og á henni standa orlofshús starfsmannafélaga tengdum Reykjavíkurborg.

Kaupverð er 200 milljónir króna en undanskilin sölunni eru jarðhitinn, tæplega 60 hektara spilda nyrst á jörðinni auk réttinda sem tengd eru orlofshúsum. Þannig verður réttindum Starfsmannafélags Reykjavíkurborgar haldið til haga. Kaupendur munu taka við rekstri og umsjón Bernsku- og Skólaskóga sem ræktaðir hafa verið um árabil í samstarfi Orkuveitunnar og skógræktarfélaga.

Skógræktarfélag Íslands hefur allt frá stofnun félagsins árið 1930 unnið ötullega að skógrækt og fræðslu um mikilvægi skógræktar fyrir íslenskt samfélag. Innan vébanda Skógræktarfélags Íslands er 61 félag með um 8 þúsund félagsmenn. Með tilkomu eignarhalds á Úlfljótsvatni er stefnt að aukinni skógrækt og fjölbreyttum möguleikum til útivistar fyrir almenning, sem og auknu samstarfi Skógræktarfélags Íslands og Bandalags íslenskra skáta.

Árið 2007 var endurnýjaður leigusamningur á milli OR og skátahreyfingarinnar til 75 ára um áframhaldandi afnot skáta af Úlfljótsvatni. Þar eru nú rekin útilífsmiðstöð, skólabúðir, sumarbúðir fyrir börn, fræðslusetur, skógræktarstarf og þjálfunarbúðir fyrir skáta og björgunarsveitir. Auk þess er Úlfljótsvatn orðið eitt fjölsóttasta tjaldsvæði landsins þar sem áhersla er lögð á þjónustu við barnafjölskyldur.

Í ljósi margvíslegra kvaða sem á jörðinni hvíla var hún ekki talin á meðal þeirra eigna, sem Orkuveitan ætti möguleika á að selja samkvæmt þeirri aðgerðaáætlun sem nú er unnið eftir í rekstri fyrirtækisins. Eftir að Skógræktarfélag Íslands og fulltrúar skátahreyfingarinnar lýstu áhuga á að eignast jörðina var gengið til viðræðna við fulltrúa samtakanna og var tilboð þeirra samþykkt á fundi stjórnar Orkuveitunnar 18. nóvember síðastliðinn. Í ljósi sögunnar þótti rétt að bera söluna undir borgaryfirvöld og samþykkti borgarráð söluna fyrir sitt leyti 1. desember síðastliðinn.

F.v.: Bjarni Bjarnason, forstjóri Orkuveitunnar, Magnús Gunnarsson, formaður Skógræktarfélags Íslands, Bragi Björnsson skátahöfðingi og Anna Rós Sigmundsdóttir, formaður Skátasambands Reykjavíkur (Mynd: RF).