Skip to main content
search
All Posts By

a8

nóv 21
Love0

Skógræktarfélagið Fossá

Með Skógræktarfélög

Skógræktarfélagið Fossá er samstarf fjögurra skógræktarfélaga um ræktun á jörðinni Fossá í Hvalfirði. Skógræktarfélag Kópavogs, Skógræktarfélag Mosfellsbæjar, Skógræktarfélag Kjalarness og Skógræktarfélag Kjósarhrepps standa að samstarfinu og eiga jörðina.

Rekstur og umhirða jarðarinnar er í höndum stjórnar Skógræktarfélagsins að Fossá, en stjórnarmeðlimir eru félagsmenn í aðildarfélögunum og eru þeir valdir á aðalfundi viðkomandi félags.

Félagið starfar eingöngu á jörðinni Fossá í Hvalfirði. Helsti starfsvettvangur félagsins er sala á jólatrjám ásamt því að halda skóginum opnum og aðgengilegum til útivistar að ógleymdu að planta fleiri trjám.

nóv 21
Love0

Borgarskógar – skógrækt í Reykjavík

Með Fréttir frá skógræktarfélögum

Á fundi fulltrúa Skógræktarfélags Reykjavíkur um útivistarskóga í borginni með borgarstjóra og fulltrúum hans að Elliðavatni þann 17. janúar árið 2012 var samþykkt að Skógræktarfélag Reykjavíkur ynni samantekt um skógræktarstefnu borgarinnar sem gæti orðið grunnur að stefnumörkun borgarinnar í skógrækt við vinnslu aðalskipulags.

Var í kjölfarið skipaður starfshópur til að vinna þessu af hendi félagsins, sem vann náið með fulltrúum Reykjavíkurborgar. Niðurstöður þeirrar vinnu eru settar fram í nýútkominni skýrslu Skógræktarfélags Reykjavíkur um Borgarskógrækt. Skýrsluna má nálgast á heimasíðu Skógræktarfélags Reykjavíkur (hér).

nóv 21
Love0

Garðyrkjufélags Íslands: Ræktun harðgerðra rósa á Íslandi

Með Ýmislegt

Garðyrkjufélag Íslands efnir til fræðslufundar um ræktun harðgerðra rósa á Íslandi fimmtudaginn 21. nóvember, kl. 20:00-22:00 í nýjum húsakynnum félagsins að Síðumúla 1, fyrstu hæð (gengið inn frá Ármúla).

Verður meðal annars fjallað um harðgerði rósa, hvernig rósir er verið að rækta, rósir fyrir byrjendur, ræktunarkröfur, jarðveg, áburðargjöf og almenna umhirðu rósa.

Efnið er bæði fyrir byrjendur og lengra komna.

Aðgangseyrir er kr. 500 fyrir félagsmenn og kr. 1.000 fyrir utanfélagsmenn.

Allir velkomnir

Nánari upplýsingar á heimasíðu Garðyrkjufélags Íslands.

nóv 18
Love0

Jólabókin í ár?

Með Ýmislegt

Ný og glæsileg skógræktarbók Skógarauðlindin – ræktun, umhirða og nýting er komin út. Bókin hentar skógarbændum, ásamt öllum þeim sem áhuga hafa á skógrækt. Hún gefur skýrt og greinargott yfirlit yfir helstu atriði sem hyggja þarf að við ræktun skóga. Farið er yfir undirbúning og skipulagningu skógræktar og helstu framkvæmdaratriði í ræktun og umhirðu miðað við íslenskar aðstæður.

Bókin er gefin út af verkefninu Kraftmeiri skógi, í samvinnu við Landbúnaðarháskóla Íslands og Landssamtök skógareigenda. Nánari upplýsingar eru á heimasíðu Landbúnaðarháskólans.

 skogabok

nóv 05
Love0

Myndakvöld: Klettafjöll Colorado

Með Fréttir frá skógræktarfélögum

Skógræktarfélag Garðabæjar býður öllum áhugasömum til myndakvölds þriðjudaginn 5. nóvember kl. 20:00 í Safnaðarheimilinu Kirkjuhvoli við Kirkjulund.

Um er að ræða sannkallaða haustlitadýrð úr ferð skógræktarfélaganna til Colorado dagana 26. september til 5. október síðast liðinn.

Allir velkomnir!

sk gbr myndakvold

okt 26
Love0

Afmælishátíð hjá Skógræktarfélagi Borgarfjarðar

Með Fréttir frá skógræktarfélögum

Skógræktarfélag Borgarfjarðar stendur fyrir afmælisathöfn laugardaginn 26. október næst komandi kl. 13, við skóglendi félagsins í Grímsstaðagirðingu. Tilefnið er 75 ára afmælis félagsins í ár og til heiðurs gefendum landsins.

Að lokinni stuttri athöfn verður farið til bæjar og boðið upp á veitingar.

Allir velkomnir!

Til að komast að Grímsstaðagirðingunni er ekið sem leið liggur í gegnum Borgarnes, en á hringtorgi er beygt til vesturs og ekið eftir Snæfellsnesvegi (nr. 54). Eftir um 8 km er komið að afleggjara á hægri hönd sem liggur upp að Grímsstöðum. Eftir um 9 km á Grímsstaðavegi er komið að vegslóð á hægri hönd og liggur hún að skógræktargirðingunni.

grimsstadir

okt 22
Love0

Jólaskógurinn í Brynjudal 2013 – byrjað að bóka

Með Fréttir frá skógræktarfélögum

Eins og undanfarin ár tekur Skógræktarfélag Íslands á móti skipulögðum hópum sem efna til fjölskylduferða í jólatrjáaskóginn í Brynjudal. Í flestum tilvikum er um að ræða fyrirtæki eða starfsmannafélög þeirra, sem mörg hver koma á hverju ári og er heimsókn í jólaskóginn orðinn ómissandi þáttur í jólahaldinu hjá mörgum.

Byrjað er að taka niður bókanir fyrir jólin í ár, en tekið verður á móti hópum helgarnar 30. nóvember-1.desember, 7.-8. desember og 14.-15. desember. Athugið að hér gildir fyrstur kemur – fyrstur fær. Nú þegar eru nokkrir tímar fullbókaðir, þannig að það er betra að bóka dag og tíma fyrr frekar en síðar til að vera viss um að fá tíma sem hentar.

Til að bóka heimsókn eða fá nánari upplýsingar hafið samband við Skógræktarfélag Íslands í síma 551-8150 eða á netfangið skog@skog.is. Einnig má lesa um skóginn á heimasíðunni (hér).

okt 10
Love0

Hæsti hlynur í Hafnarfirði?

Með Fréttir frá skógræktarfélögum

Skógræktarfélag Hafnarfjarðar stóð fyrir göngu um Suðurbæ Hafnarfjarðar laugardaginn 5. október og var þar meðal annars hugað að trjágróðri í görðum bæjarbúa og tré þar mæld. Var meðal annars mældur myndarlegur hlynur (sjá á mynd að neðan) og mældist hann 14,5 m á hæð og er þar með að öllum líkindum hæsti hlynur í Hafnarfirði. Eru einhver önnur tilboð um hæsta hlyninn?

skhf1

Þátttakendur í göngunni skoða trjágróðurinn (Mynd: Sk. Hafnarfjarðar).

skhf2

Steinar Björgvinsson mundar mælitækið (Mynd: Sk. Hafnarfjarðar).

skhf3

Hlynurinn myndarlegi (Mynd: Sk. Hafnarfjarðar).

okt 08
Love0

Kvöldganga í skógi

Með Skógargöngur

Krabbameinsfélag Hafnarfjarðar og Skógræktarfélag Hafnarfjarðar bjóða til skógargöngu þriðjudaginn 8. október, kl. 19:30. Safnast verður saman við Gróðrarstöðina Þöll við Kaldársselsveg og þaðan verður gengið um skógarsvæði Skógræktarfélags Hafnarfjarðar. Við upphaf göngunnar flytur Anna Borg, formaður Krabbameinsfélags Hafnarfjarðar, stutt ávarp og að því loknu mun Steinar Björgvinsson skógfræðingur vera með leiðsögn um skóginn.

Gert er ráð fyrir að skógargangan taki um eina klukkustund og að henni lokinni verður boðið upp á súkkulaði og meðlæti í húsakynnum Þallar. Krabbameinsfélag Hafnarfjarðar og Skógræktarfélag Hafnarfjarðar hvetja sem flesta til að taka þátt í kvöldgöngu um skóginn.

Göngufólk er beðið að taka með sér ljósfæri þar sem skuggsýnt er orðið.

Nánari upplýsingar gefur Magnús Gunnarsson í síma 665-8910.

 

kvoldganga

okt 07
Love0

Stefnumótun Skógræktarfélags Reykjavíkur

Með Fréttir frá skógræktarfélögum
Undir leiðsögn og verkstjórn Reynis Kristinssonar unnu stjórn og starfsfólk Skógræktarfélags Reykjavíkur á árunum 2011 – 2013 að stefnumótun þeirri sem hér liggur fyrir. Stefnuplagg á að vera viðmiðun stjórnar og starfsfólks í daglegum ákvörðunum. Þar er reynt að meta alla stærstu þætti í starfi félagsins sem varða framtíð félagsins . Við komumst að niðurstöðu um hvernig við viljum sjá þessa og aðra þætti þróast næstu fimm árin eða svo. Auðvitað er það svo að stefnumótun hjá félagi eins og Skógræktarfélagi Reykjavíkur byggir alltaf á nokkurri óvissu, einkum hvað varðar tekjur. Stefnumótunarvinnan tók því sérstaklega á því verkefni að reyna að festa og treysta  tekjustreymið sem mest, því verkefnin eru næg, þeirra þarf ekki að leita. Fyrir hönd félagsins  þakka ég  öllum þeim sem að þessari vinnu komu og vonast til að þessi stefna auðveldi okkur öllum að efla og styrkja Skógræktarfélag Reykjavíkur.
 
Þröstur Ólafsson, formaður 
 
 
Close Menu