English website
FURA
Fimmtudagur, 20. ágúst 2015 14:24

A-flokkur fyrir furu

Hæð

Mælist frá stofnenda - leggurinn nær þangað upp sem grein frá efsta greinakransi nær. Stærðarflokkar með 25 cm millibili, nema á minnstu trjánum og trjám stærri en 200 cm.

Hæðargreining:

  • 70/100 cm
  • 100/125 cm
  • 125/150 cm
  • 150/175 cm
  • 175/200 cm
  • 200/250 cm
  • 250/300 cm
     

Leggur

Greinalaus u.þ.b. 20 cm.
 

Litur

  • Tréð á að vera frísklegt, heilbrigt og hafa einsleitan lit, sem einkennir viðkomandi tegund.
  • Allt að 5% nála trésins mega vera rauðar.
     

Form

  • Breidd trésins á að vera 60-75% af hæð í hlutfalli hæðar og breiddar.
  • Tréð þarf að vera samhverft og greinarnar jafn dreifðar í kringum stofninn.
  • Hver greinakrans á að vera með að minnstu kosti fjórar greinar af svipaðri lengd.
  • Tréð á að vera með að lágmarki 4 heilbrigða nálaárganga.
  • Stofn trésins þarf að vera beinn með einn topp af sæmilegri lengd.
     

Þéttleiki

  • Greinakransar eiga að vera jafnt dreifðir á trénu. Bil á milli greinakransa má ekki vera meira en 45 cm.
  • Tré milli 100 og 150 cm á að hafa a.m.k. 4 greinakransa.
  • Tré milli 150 og 200 cm á að hafa a.m.k. 5 greinakransa.
  • Tré milli 200 og 300 cm á að hafa a.m.k. 6 greinakransa.
     

Skemmdir

  • Á tré má vera að hámarki einn minniháttar galli ef það skemmir ekki heildarútlitið og tréð er frísklegt, heilbrigt og með góðan lit.
  • Það mega ekki vera dauðar eða brotnar greinar.
  • Það má ekki vera gras, mosi, mold eða skemmdur börkur.
  • Barrið á að vera jafnt dreift og full þroskað.
  • Barrið má ekki bera merki eftir skordýr.
  • Formun og klipping á söluári skilgreinist sem galli.
  • Tréð má ekki liggja úti á foldinni meira en 15 daga eftir högg.


B-flokkur fyrir furu

Hæð

Tré í B-flokki er flokkað með 50 cm millibili.

  • 100-150 cm
  • 150-200 cm
  • 200-250 cm
     

Litur

  • Tré sem er mislitt eða breytilegt á litinn vegna streitu, veikinda, næringarskorts, veðurfarsáhrifa eða annars.
  • Allt að 5% nála trésins mega vera rauð.
     

Form

  • Breidd trésins er minni en 60% eða meira en 85% í hlutfalli hæðar og breiddar.
  • Tré þar sem stofninn er ekki í miðju trésins.
  • Tré með stuttan, beygðan eða á annan hátt gallaðan topp.
  • Tréð er ekki samhverft og greinarnar ekki jafndreifðar í kringum stofninn.


Þéttleiki

  • Tré milli 100 og 150 cm hefur bara 3 greinakransa.
  • Tré milli 150 og 200 cm hefur bara 4 greinakransa.
  • Tré milli 200 og 300 cm hefur bara 5 greinakransa.


Skemmdir

  • Auk framangreindra galla mega tré hafa svipaða galla eins og tré í A-flokki en þau verða að líta sæmilega út.
  • Ekki mega vera dauðar eða brotnar greinar.
  •  Ekki má vera gras, mosi, mold eða skemmdur börkur.
  • Barrið á að vera jafnt dreift og full þroskað.
  • Barrið má ekki bera merki eftir skordýr.
  •  Formun og klipping á söluári skilgreinist sem galli.
  • Tréð má ekki liggja úti á foldinni lengur en 15 daga eftir högg.