English website
Um okkur
Skógræktarfélag Íslands er landssamband skógræktarfélaganna í landinu, stofnað á Alþingishátíðinni á Þingvöllum árið 1930, en skógræktarfélögin mynda ein fjölmennustu frjálsu félagasamtök á Íslandi.

Skógræktarfélag Íslands er málsvari skógræktarfélaganna, gætir hagsmuna þeirra og kemur fram fyrir þeirra hönd þegar þörf krefur. Markmið félagsins er að vinna að framgangi skóg- og trjáræktar í landinu og stuðla að hvers konar umhverfisbótum.


Útgáfa og fræðsla skipa stóran sess í starfsemi félagsins, en einnig kemur félagið að eða annast margvísleg skógræktarverkefni og leiðbeinir aðildarfélögum, fyrirtækjum og almenningi eftir mætti um hinar ýmsu hliðar skógræktar.


Skrifstofa félagsins er til húsa að Þórunnartúni 6, 105 Reykjavík, á 2. hæð (inngangur nyrst á húsi, við hliðina á antikbúðinni). Skrifstofan er opin virka daga kl. 9-16. Landvernd er á sama stað.